Իսրայելն «արտակարգ դրության եզրին» է կորոնավիրուսի նոր տարբերակի պատճառով
Իսրայելն «արտակարգ իրավիճակի եզրին է» այն բանից հետո, երբ իշխանությունները Մալավիից վերադարձած ուղեւորի մոտ հայտնաբերեցին երկրում նոր կորոնավիրուսի առաջին դեպքը: Այս մասին հայտարարել է վարչապետ Նաֆտալի Բենեթը, փոխանցում է AP-ն։
Հարավային Աֆրիկայում կորոնավիրուսի նոր տարբերակ է հայտնաբերվել, որը գիտնականների կարծիքով մտահոգիչ է երկրի ամենախիտ բնակեցված Գաուտենգ նահանգի երիտասարդների շրջանում մեծ թվով մուտացիաների եւ երիտասարդների շրջանում արագ տարածման պատճառով:
Կառավարության նիստին, որը հրավիրվել էր քննարկելու նոր տարբերակը, վարչապետ Բենեթն ասել է, որ շտամը վարակիչ է եւ դելտա տարբերակից ավելի արագ է տարածվում: «Մենք այժմ գտնվում ենք արտակարգ դրության եզրին,- ասել է նա:- Խնդրում եմ բոլորին պատրաստ լինել եւ ամբողջությամբ ներգրավվել շուրջօրյա աշխատանքի մեջ»։
Հինգշաբթի ուշ երեկոյան Իսրայելը Հարավային Աֆրիկան եւ աֆրիկյան վեց այլ երկիր «կարմիր երկրներ» հայտարարեց, որոնցից օտարերկրյա քաղաքացիների մուտքն Իսրայել արգելված է։ Իսրայելցիներին արգելված է այցելել այդ երկրներ, իսկ նրանցից վերադարձողները պետք է մեկուսացման շրջան անցնեն։
Անցյալ տարեվերջին Իսրայելը սկսեց պատվաստումների առաջին եւ ամենահաջող արշավներից մեկն աշխարհում, եւ բնակչության գրեթե կեսը վերապատվաստումներ է ստացել: Իսրայելը վերջերս ընդլայնեց քարոզարշավը՝ ներառելով 5 տարեկան եւ բարձր երեխաներին:
Բայց երկիրը միայն վերջերս է կարողացել զսպել դելտա տարբերակով առաջացած վարակների ալիքը։ Համավարակի սկզբից Իսրայելում գրանցվել է առնվազն 8182 մահվան դեպք։ Առողջապահության նախարարության տվյալներով՝ այս պահին գրանցված է ավելի քան 7000 ակտիվ դեպք, այդ թվում՝ 120-ը` ծանր։
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին