Խոշոր հրդեհ Վանաձորում․ Թոշակառուները անօթևան են մնացել
Նոյեմբերի 25-ին Վանաձորի «Ուսանողական» հասցեում գտնվող փայտե տնակը՝ ինքնաշեն կառույցներով, բռնկված խոշոր հրդեհի հետեւանքով ամբողջությամբ այրվել է՝ մոխրակույտի վերածվելով: Ամուսիններ, 84-ամյա Նորիկ Մխիթարյանը, Ալլա Մխիթարյանն ու վերջինի քույրը՝ 69-ամյա Զելմա Աբրամիդին, տարբեր աստիճանի այրվածքներ են ստացել. կանայք այս պահին բուժում են ստանում «Արմենիա» բժշկական կենտրոնի վերակենդանացման բաժանմունքում, Նորիկ Մխիթարյանը, որը գլխի եւ ձեռքերի հատվածում է այրվածքներ ստացել, ստանում է ամբուլատոր բուժում:
Տուժածների բարեկամուհին՝ Սուսաննա Եսայանը, NEWS.am-ի հետ զրույցում պատմեց, խոշոր հրդեհը բռնկվել է էլ. հոսանքի կարճ միացման հետեւանքով, բայց ոչ թե տնակի ներսում, այլ դրանից որոշակի հեռավորության վրա՝ դրսում:
«Պապիկը տատիկներին դուրս է հանել տնակից՝ տարբեր աստիճանի այրվածքներով: Տնակը, որտեղ արդեն 32 տարի տատիկն ու պապիկն ապրում էին, մոխրի է վերածվել: Հիմա պապիկը բարեկամների տանն է գտնվում: Տեղեկացանք, որ տատիկների բուժման համար հիվանդանոցում թանկարժեք դեղորայք են պահանջել՝ մոտ 40-50 հազար դրամ արժողությամբ, բայց մարդիկ բառի բուն իմաստով գիշերանոցներով դրսում են մնացել»,- հայտնեց բարեկամուհին՝ նշելով, որ տարեցները ծանր իրավիճակում են հայտնվել:
«Ոչ մի տեղից չեն արձագանքում՝ պետական կառույցներից առայժմ արձագանք չենք ստացել, ոչ ոք չի հետաքրքրվում այս մարդկանց ճակատագրով: Դիմել ենք քաղաքապետարան, եկել նայել, գնացել են, երկուշաբթի նաեւ գրավոր դիմում կներկայացնենք: Պապիկին Վանաձորում հանրակացարանում են սենյակ առաջարկել, որը կենցաղային որեւէ պայման չունի. 85 տարեկան մարդիկ են ախր, թոշակառու, վատառողջ, չեն կարող տարրական կենցաղային պայմաններ չունեցող սենյակում ապրել: Այդ այրված տնակում կենցաղային բոլոր հարմարությունները պապիկը ստեղծել էր: Ուզում ենք վարչապետին արդեն նամակ ուղարկել: ՀԷՑ-ից եկան, նայեցին տնակի տարածքը, գնացին, բայց, փաստացի, իրենց մոտից է եղել խնդիրը՝ հրդեհը մինչեւ տնակ հասնելն է բռնկվել՝ դրսում: Տնակը սեփականաշնորհված չի եղել, բայց պապիկը հաշվառված է այդ հասցեում»,- հայտնեց բարեկամուհին:
Լրացուցիչ տեղեկությունների եւ տուժածներին աջակցելու համար կարող եք զանգահարել 098 111 373 հեռախոսահամարով:
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին