Շուտով հայատառ գրելու համար էլ են «ԲԼՈԿ» անելու
«Վերահսկման որևէ գործառույթ գոյություն չունի։ Եթե համաշխարհային, միջազգային որևէ կազմակերպության կողմից անձը ճանաչված է որպես տեռորիստ ու դու դա ֆեյսբուք ես տանում, դա արդեն պրոբլեմ է։ Չի կարելի ասել հենց ֆեյսբուքն է «բլոկ» անում։ Տեռորիստների համաշխարհային ճանաչման ցուցակներ կան, ու եթե մարդը ընդգրկված է դրանց մեջ, այստեղից ոչինչ չես կարող անել»։ Այս մասին «Հրապարակի» հետ զրույցում ասաց կիբերանվտանգության մասնագետ, «Դիջիֆենս» ընկերության տնօրեն Արթուր Մարտիրոսյանը՝ անդրադառնալով թեմային, որ ֆեյսբուքում «բլոկվում» են բոլոր նրանց էջերը, որոնք տարածում են Մոնթեի, Նժդեհի նկարները, կամ ասենք ,պարզապես նրանց վերաբերյալ գրառումներ են կատարում։
«Ջնջում են մեր պատմությունը, ուղղակի ռետինը վերցրել ու ջնջում են։ Ջնջում են հերոսներին, ում չեն կարողանում, դարձնում են ահաբեկիչ։ Շուտով երևի հայատառ գրելու համար էլ են բլոկ անելու»,- գրում են ֆեյսբուքյան օգտատերերը, որոնք ֆլեշմոբ են կազմակերպել ու շարունակում են տարածել Մոնթեի, Նժդեհի լուսանկարները՝ անկախ նրանից, թե իրենց էջը դրանից հետո կարգելափակվի, թե ոչ։
«Ադրբեջանցիները հենց իրենք, բնականաբար, համաշխարհային ցանցի մասով չեն կարող ինչ-որ բան անել, բայց, իհարկե, կարող են այնպես անել, որ ուշադրություն դարձվի, ենթադրենք կարող են «ռիփորթ» տան։ Կարող են «ուղղորդեն» , բայց համացանցին ստիպել, որ այս կամ այն մարդու նկարը բլոկ արվի, բնականաբար, չեն կարող։ Ես տեղյակ չեմ, օրինակ, հիմա Նժդեհի անունը իմ նշած այդ միջազգային ցուցակներում արդյոք նշված է որպես տեռորիստ, թե ոչ։ Եթե նշված է, որևէ մեկը որևէ բան անել չի կարող։ Անել-չանելն էլ միայն արդեն ուշադրություն դարձնել-չդարձնելու հետ կարող է կապված լինել»,- ասաց Մարտիրոսյանը։
Նշենք նաև, որ օրերս «Ազատագրական շարժման» հանրահավաքներից մեկի ժամանակ 5165-ի առաջնորդ Կարին Տոնոյանը միտք էր հայտնել, թե երազում է այն օրվա մասին, երբ զենքը ձեռքին թուրք կսպանի։ Մենք այդ միտքը հրապարակման վերնագիր էինք ընտրել ու տարածել նաև ֆեյսբուքում, ինչից հետո կրկին «Ֆեյսբուքի» կողմից թիրախավորվել էինք։
«Միանշանակ է, որ նմանատիպ բաների համար ցանկացած ցանց էլ բլոկ է անելու։ Թե ինչու նախկինում այդպես չէր, որովհետև հիմա ամեն ինչ շատ արագ է զարգանում, «ՖԲ»-ում հայերեն էլ են կարդում, ժամանակին ինչ ասես կարելի էր անել, բայց նորից եմ ասում՝ շատ արագ է զարգանում էս ամենը։ Ոչ մեկ ամեն դեպքում չի կարող հստակ երաշխավորել, թե դա մարդ է անում, թե ինտելեկտով է արվում։ Երկուսն էլ կարող է լինել, բայց հստակ չենք կարող ասել, կրկնում են, քանի որ դրանք նաև արդեն ցանկի ներքին գաղտնիքներ են»,- ասաց Մարտիրոսյանը։
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին