Ինչ հանգամանքներում է զոհվել ժամկետային Գոռ Մարտիրոսյանը
Օրերս Արցախի պաշտպանության նախարարությունը հայտարարություն տարածեց, որ չպարզված հանգամանքներում զոհվել է ժամկետային զինծառայող Գոռ Մարտիրոսյանը՝ նշելով, որ դեպքի մանրամասները պարզելու համար կատարվում է քննություն:
Քննչական կոմիտեի մամուլի խոսնակ Վարդան Թադևոսյանը տեղեկացրեց, որ դեպքը տեղի է ունեցել Շուշիի «Նոյան Տապան» կոչվող նախկին հյուրանոցի մոտակայքում, և ժամկետային զինծառայող Գոռ Մարտիրոսյանը զոհվել է հակառակորդի կրակոցից․ «2 ընկերները դիրքից մի քիչ հեռացել են, որտեղ չհսկվող տարածք է՝ Շուշիի տակը, նախկին «Նոյան տապան» հյուրանոցի մոտակայքում։ Այնտեղ հակառակորդի կողմից շարժ են նկատել։ Գոռ Մարտիրոսյանի ընկերն առաջարկել է վերադառնալ դիրքեր, սակայն Գոռը հրաժարվել է։ Ընկերը հետ է վերադարձել դիրքեր, իսկ Գոռ Մարտիրոսյանը մնացել է»։
Վարդան Թադևոսյանը հավելեց, որ դեռևս հայտնի չէ, թե որ կողմն է առաջինը կրակել, բայց Գոռը մահացել է գլխին ստացած հարզենային վիրավորումից, մինչդեռ հակառակորդի կողմից զոհեր չեն եղել․ «Կամ բավական մոտ տարածությունից են կրակել Ադրբեջանի զինծառայողները, կամ դիպուկահարի կրակոցից է մահացել։ Ադրբեջանի զինծառայողները ներխուժել են այդ մշտական չեզոք տարածք, իրենց հայտնվելն այդտեղ անակնկալ էր, որովհետև Ադրբեջանի ԶՈւ դիրքն այդ տարածքից բավական հեռու է և այդ դիրքից իրենք չեն իջնում»։
ՔԿ մամուլի խոսնակի հաղորդմամբ՝ դեպքի հանգամանքներով քրեական գործ է հարուցվել՝ ՔՕ 104-րդ հոդվածի 2-րդ մասի 7-րդ և 13-րդ կետերով, այսինքն՝ մի խումբ անձանց կամ կազմակերպված խմբի կողմից ազգային, ռասայական կամ կրոնական ատելության կամ կրոնական մոլեռանդության շարժառիթով կատարված սպանության հատկանիշներով։
Հիշեցնենք, որ ըստ պաշտոնական հաղորդագրության՝ դեպքը տեղի է ունեցել դեկտեմբերի 5-ին ժամը 21:20-ի սահմաններում ՊԲ զորամասերից մեկի պահպանության տեղամասում։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...