Գերիների վերադարձի համար ամեն օր աշխատանք է տարվում, գերեվարման դեպքերը հետաքննվելու են. Փաշինյան
ՀՀ վարչապետ Նիկոլ Փաշինյանը վստահեցնում է, որ գերիների վերադարձի համար ամեն օր աշխատանք է արվում. գերեվարվելու հանգամանքներիը պարզելու համար հետաքննություն տարվել է, տարվում է և տարվելու է: «Արմենպրես»-ի հաղորդմամբ՝ Փաշինյանն այս մասին ասաց ԱԺ-ում կառավարության անդամների հետ հարցուպատասխանին:
«Հայաստան» խմբակցությունից Էլինար Վարդանյանը հիշեցրեց, որ վարչապետ Փաշինյանը քարոզարշավի ժամանակ ասել է, որ բոլոր գերիներն իր համար հարազատ են և պատրաստ է իր որդուն հանձնել գերիների փոխարեն, հետո ասել է, թե գերիները կներեն, եթե ևս 2 ամիս մնան գերու կարգավիճակում, հետո ասել, որ պետք է քննել գերի ընկնելու հանգամանքները: Նա հետաքրքրվեց, թե ինչպիսին է Փաշինյանի դիրքորոշումը գերիների վերաբերյալ:
Վարչապետն էլ արձագանքեց. «Ես այսօր էլ եմ պատրաստ իմ որդուն հանձնել գերիների վերադարձի դիմաց: Դեռ նախընտրական քարոզարշավի ընթացքում նաև միջնորդել եմ, որ ձեր քաղաքական ուժերն այդ հարցում որոշակի գործնական աջակցություն ցուցաբերեն, և հիմա էլ եմ առաջարկում: Այդ առաջարկն այն ժամանակ պաշտոնական, ոչ պաշտոնական խողովակով արել ենք ադրբեջանական կողմին, որը, ցավոք, արձագանք չի գտել»,-ասաց Փաշինյանն ու վստահեցրեց, որ դա որ պահին արձագանք կգտնի, ուժի մեջ է:
Նա վերահաստատեց նաև, որ գերեվարման ամեն դեպք պետք է հետաքննվի, զարմացավ, թե ինչն է այդտեղ զարմանալի: Կլինեն գերեվարման դեպքեր, որտեղ կոնկրետ քրեաիրավական հետևանք չի լինի, կլինեն գերեվարման դեպքեր, որտեղ քրեաիրավական հետևանքներ կլինեն: Դիմելով ընդդիմադիր պատգամավորին՝ վարչապետն ասաց. «Եթե ձեզ այդ իրավիճակներն այդպիսի տոնայնությամբ հետաքրքիր են նրա համար, որ այստեղ-այնտեղ ասեք, որ վերևից հրաման են տվել, որ հայրենիքը չպաշտպանեն, չկրակեն, գերի հանձնվեն, գերեվարված ադրբեջանցիներին բաց թողնեն: Եթե եղել է նման հրաման, նման հրաման տված մարդիկ կդատվեն, բայց այդ ամեն ինչը բացարձակ իրականության հետ կապ չունի:
Մենք պարզ բան ենք ասում, որ զինվորականն ունի պարտականություններ և իրավունքներ, ինչպես մեզնից յուրաքանչյուրը: Զենքը տրվում է զինվորականին՝ ի պատասխանատվություն, զենք կորցնելը քրեական պատասխանատվություն է ենթադրում: Իմ ասած ամեն ինչն ուժի մեջ է. մենք հայտարարել ենք, հայտարարում ենք, որ ամեն օր աշխատանք է արվում՝ գերիների վերադարձի համար, բայց դա չի նշանակում, որ վերադարձան, հետաքննություն չի արվելու, իհարկե արվել է, արվում է և արվելու է»:
Փաշինյանը վստահեցրեց նաև, որ գերիների ծնողների հետ տասնյակ անգամներ հանդիպել է: Վարդանյանը հետաքրքրվեց, թե նոյեմբերի 9-ից հետո Փաշինյանը ո՞րտեղ է եղել: Վարչապետն արձագանքեց, որ նոյեմբերի 9-ից առաջ էլ, հետո էլ իր պաշտոնավարման դիրքերում է եղել և ոչ մի վայրկյան դրանից չի կտրվել: «ՀՀ-ում էի, իմ ենթակայության տակ գտնվող ինստիտուտներում էի: Իսկ, թե ում հետ կհանդիպեմ, ում հետ չեմ հանդիպի, իմ որոշումն է»,-ասաց նա:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...