Նվազագույն սպառողական զամբյուղը մինչև տարեվերջ կդառնա մոտ 73 000 դրամ, ինչը 2-ից ավելի անգամ գերազանցում է նպաստի միջին չափը. ինչպե՞ս եք զսպելու խորացող աղքատությունը. պատգամավորը՝ նախարարին
2022 թվականի պետական բյուջեի նախագծի քննարկումները ցույց տվեցին, որ առանձնապես նոր լուծումներ չկան նաև հաջորդ տարվա համար. կրճատվելու են զբաղվածության ծրագրերը, չեն ավելանալու նպաստներն ու թոշակները, գնաճն ավելի բարձր տեմպ ունի, քան մարդկանց եկամուտների ավելացումն է, մարդկանց իրական եկամուտները նվազում են, չկան դրական սպասումներ հաջորդ տարվա բյուջեում, ինչը բերում է նաև աղքատության ցուցանիշների խորացման: Այս մասին ԱԺ-Կառավարություն հարցուպատասխանի ընթացքում հայտարարեց «Հայաստան» խմբակցության պատգամավոր Թադևոս Ավետիսյանը:
Նա աշխատանքի և սոցիալական հարցերի նախարար Նարեկ Մկրտչյանից հետաքրքրվեց, թե նախարարությունն ինչ հատուկ միջոցներ է նախաձեռնել, որ զսպի խորացող աղքատությունը՝ հատկապես խոցելի խմբերի մոտ և բնակավայրերում:
Մկրտչյանը պատասխանեց, որ կոնկրետ թիրախային խմբերի և՛ նպաստների, և՛ նվազագույն կենսաթոշակի, և՛ հաշմանդամության նպաստների բարձրացումներ լինելու են: Ինչ վերաբերում է գնաճին, նախարարն ընդգծեց, որ նախարարությունն այդ հարցով ուղիղ գործիքակազմ չունի, բայց տարբեր ծրագրեր է մշակում:
Պատգամավորն արձագանքեց, թե կոնկրետ թվերն այլ պատկեր են ցույց տալիս. օրինակ՝ զբաղվածության պետական ծրագրերի ֆինանսավորումը 2.1 մլրդ դրամից դարձել է 1.5 մլրդ դրամ:
«Հիմնական կենսաթոշակի չափը չի բարձրացել, չի բարձրանալու, անապահովության նպաստի չափը չի բարձրանալու: Նվազագույն սպառողական զամբյուղը տարվա կեսին 70 500 դրամ էր, մինչև տարեվերջ կդառնա մոտ 72 000-73 000 դրամ, ինչը 2-ից ավելի անգամ գերազանցում է նպաստի միջին չափը»,-ասաց նա:
Աշխատանքի և սոցիալական հարցերի նախարարը հայտարարեց՝ իրենք ծայրահեղ աղքատությունը պետք է վերացնեն: «2023-ից ներդրվելու է անապահովության գնահատման նոր համակարգ: Մենք պետք է քաղաքացիներին ոչ թե սոցիալական աջակցություն տանք, այլ կարիքի գնահատման հիման վրա ծառայություններ մատուցենք, որը կմեղմի նրանց աղքատությունը»,-ասաց նախարարը:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...