Արցախի սահմանի որոշ հատվածներում ՀՀ-ի և Արցախի դրոշները հանվել են. Արցախի Անվտանգության խորհուրդն ու ՊՆ-ն դիրքորոշում չեն հայտնել
Մամուլում շրջանառվում են տեղեկություններ, որ Արցախում հայ-ադրբեջանական շփման գծում հայկական դիրքերից հանվել են Հայաստանի և Արցախի դրոշները։
Civic.am-ը փորձեց կապ հաստատել Արցախի ԱԺ մի շարք պատգամավորների հետ՝ ճշտելու հրապարակումների հավաստիությունը։ Արցախի ԱԺ նախագահի տեղակալ, «Միասնական հայրենիք» կուսակցության անդամ Գագիկ Բաղունցը պատասխանելով մեր հարցին՝ արդյոք հայկական դիրքերից հանվե՞լ են Հայաստանի ու Արցախի դրոշները, պատասխանեց՝ մասամբ այո։ Թե ինչ պատճառաբանությամբ են հանվել՝ մեզ չհաջողվեց ճշտել Գագիկ Բաղունցից։
Արցախի ԱԺ ՀՅԴ անդամ Վահրամ Բալայանն էլ տեղեկացրեց, որ դեռևս մեկ շաբաթ առաջ կային նման խոսակցություններ, որ հայկական դիրքերից հանվել են Հայաստանի և Արցախի դրոշները, բայց նաև կային հերքող խոսակցություններ այդ թեմայով: «Ես գտնում եմ, որ մեր սահմանային հատվածներում պարտադիր պետք է լինեն հայկական դրոշները՝ պետական սիմվոլները դրվում են համապատասխան տեղերում»,- նշեց պատգամավորը։
Նշենք, որ «Փաստինֆո»-ի հետ զրույցում Արցախի ԱԺ պատգամավոր, «Արդարություն» կուսակցության անդամ Մետաքսե Հակոբյանն ասել էր, որ մարտական դիրքերից դրոշները հանելը պետք չէ ցավոտ ընդունել, քանի որ եթե այդկերպ գոնե չնչին չափով ապահովում ենք մեր զինվորների անվտանգությունը, ապա պետք է դա անել։ Պատգամավորը նշել էր նաև, որ մարտական դիրքերում դրոշների առկայությունը լարվածություն է առաջացնում, և պետք է հարցին մոտենալ այլ տեսանկյունից։
Մեզ չհաջողվեց կապ հաստատել Արցախի նախագահի մամուլի խոսնակի եւ ԱԽ քարտուղարի հետ՝ պարզաբանում ստանալու համար:
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին