Կանադան 6,3 մլն դոլար կհատկացնի ՄԱԿ-ի հումանիտար տարբեր ծրագրերի ֆինանսավորմանը
Կանադայի կառավարությունը 8 միլիոն կանադական դոլար (6,3 միլիոն ամերիկյան դոլար) կհատկացնի ՄԱԿ-ի հումանիտար տարբեր ծրագրերի ֆինանսավորմանը: Դեկտեմբերի 9-ին այդ մասին ասված է Կանադայի նախարարների կաբինետի ղեկավար Ջասթին Թրյուդոյի մամուլի ծառայության հայտարարության մեջ, որը նվիրված է վիրտուալ՝ «Հանուն ժողովրդավարության գագաթնաժողովի» առաջին օրվա աշխատանքի արդյունքներին, տեղեկացնում է «Արմենպրես»-ը:
«Մարդու իրավունքների հարգման հետագա աաջշարժման համար վարչապետը հայտարարել է, որ Կանադան եւս 5 միլիոն կանադական դոլար կհատկացնի 2021 թվականին ՄԱԿ-ի Մարդու իրավունքների գերագույն կոմիսարի վարչության աշխատանքի ֆինանսավորմանը»,- հայտնել են մամուլի ծառայությունում: Բացի դրանից, 3 միլիոն կանադական դոլար կուղղորդվի համաշխարհային կազմակերպության մի քանի հումանիտար ծրագրերի ֆինանսավորմանը, որոնք այդ թվում վերաբերում են դավանանքի ազատության պաշտպանությանը: Թրյուդոն, որը դեկտեմբերի 9-ին գագաթնաժողովում հրապարակային ելույթներ չի ունեցել, շնորհակալություն է հայտնել Միացյալ Նահանգների նախագահ Ջո Բայդենին համաժողովի կազմակերպման եւ անցկացման համար «մեր ժողովրդավարության համար այս կրիտիկական պահին»:
Միացյալ Նահանգների իշխանությունները «Հանուն ժողովրդավարության գագաթնաժողովի» են հրավիրել 110 պետությունների եւ տարածքների, որը դեկտեմբերի 9 – 10-ը տեղի է ունենում տեսակոնֆերանսի ձեւաչափով: Ցուցակում նշված է Չինաստանի Տայվան կղզին, սակայն այնտեղ չկան ՉԺՀ-ն, ինչպես նաեւ Ռուսաստանը, Թուրքիան, Եգիպտոսը եւ մի շարք այլ երկրներ: Ավելի վաղ Ռուսաստանի ԱԳՆ-ի ղեկավար Սերգեյ Լավրովը հայտարարել է, որ այդ միջոցառման նպատակն է «մարդկանց, երկրներին բաժանել դեմոկրատականի եւ ոչ դեմոկրատականի», հաղորդել է ՏԱՍՍ-ը:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...