Ավտովթար Երևանում․ Իսակովի պողոտայում, Ոստիկանության զորքերի դիմաց բախվել են Chevrolet-ն ու Ford Transit-ը․

Այսօր, դեկտեմբերի 11-ին, ավտովթար է տեղի ունեցել Երևանում։ Ժամը 19։40-ի սահմաններում Իսակովի պողոտայում, Ոստիկանության զորքերի N զորամասի դիմաց բախվել են Chevrolet և Ford Transit մակնիշի ավտոմեքենաները։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։

Օպերատիվորեն ժամանել են Երևանի 1-03 շտապօգնության բժիշկների հերթապահ խումբը, սակայն վարորդները հրաժարվել են բժիշկների օգնությունից, հայտնելով, որ իրենց լավ են զգում։

Օպերատիվորեն ժամանել են ՀՀ ոստիկանության Պարեկային ծառայության Երևանի գնդի 1-ին գումարտակի 2-րդ վաշտի պարեկ Սերգեյ Կարապետյանն ու կրտսեր պարեկ Նարեկ Ասլանյանը։

Տեղում ուժեղացված ծառայություն  են կատարում պարեկ Սերգեյ Մուրադյանն ու կրտսեր պարեկ Անդրանիկ Քոթանջյանը, ինչի շնորհիվ խցանում տեղի չի ունենում և հետաքրքրասեր վարորդները ավտոմեքենաները չեն կայանում վթարի վայրում։

Փաստի առթիվ Պարեկային ծառայության Երևանի գնդի 1-ին գումարտակում նյութեր են նախապատրաստվում։

Օպերատիվորեն ժամանել են նաև ապահովագրական ընկերությունների ներկայացուցիչները։ 

Պարեկային ծառայությունը պարզում է վարորդների ինքնությունը։ 

Լուսանկարները՝ Գագիկ Շամշյանի

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: