Zoom-ը միացել է հակաահաբեկչական կազմակերպությանը
Տեսակոնֆերանսների Zoom հարթակը միացել է հակաահաբեկչական կազմակերպությանը, որը ստեղծվել է ամերիկյան խոշոր տեխնոլոգիական ընկերությունների, այդ թվում՝ Meta Platforms Inc-ի եւ Microsoft Corp-ի կողմից, հայտնում է Reuters-ը։
Այս քայլը նշանավորում է Ահաբեկչության դեմ գլոբալ ինտերնետ ֆորումի (GIFCT) վերջին ընդլայնումը, սա անկախ խումբ է, որի միջոցով անդամ-ընկերություններն իրենց կայքերում տեղեկություններ են փոխանակում ահաբեկչության եւ ագրեսիվ ծայրահեղականության դեմ պայքարի վերաբերյալ:
Zoom Video Communications Inc-ը, որի օգտագործումը կտրուկ աճել է COVID-19 համավարակի ժամանակ, բայց վերջին ամիսներին սկսել է դանդաղել, մանրամասն ստուգման է ենթարկվում բովանդակության եւ իր հարթակում չարաշահման վերահսկման առումով:
GIFCT-ն այս տարի ավելացրել է հինգ նոր հարթակներ, որոնց թվում են՝ բնակարանների վարձակալության հսկա Airbnb-ն, Tumblr սոցիալական ցանցը եւ առցանց հրատարակությունների WordPress հարթակը:
Տեխնոլոգիական ընկերությունները արդեն վաղուց քննադատվում են այն բանի համար, որ իրենց հարթակներում ագրեսիվ ծայրահեղական գործունեությունը չեն կարողանում սահմանափակել, թեեւ նաեւ բախվում են խոսքի ազատության հետ կապված խնդիրների:
GIFCT-ը ստեղծվել է 2017 թվականին՝ Փարիզում եւ Բրյուսելում մահացու հարձակումներից հետո ԱՄՆ-ի եւ եվրոպական կառավարությունների ճնշման ներքո: Դրա հիմնադիրներն են Facebook-ը, Microsoft-ը, Twitter-ը եւ YouTube-ը։
«Մենք պարտավոր ենք աջակցել մեր օգտատերերին եւ պաշտպանել նրանց ցանցային սպառնալիքներից»,- ասել է Ջոշ Պարեկին՝ Zoom-ի վստահության եւ անվտանգության հարցերով գլխավոր իրավախորհրդատուի տեղակալը: «Համագործակցելով ոլորտի այլ առաջատարների հետ՝ կիսելով հիմնական գիտելիքները եւ առաջ մղելով հետազոտությունները՝ մենք ձգտում ենք թվային աշխարհն ավելի անվտանգ դարձնել բոլորի համար»:
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...