2021 թվականին ամբողջ աշխարհում կալանավորված լրագրողների թիվը հասել է ռեկորդային ցուցանիշի
2021 թվականին ամբողջ աշխարհում կալանավորված լրագրողների թիվը հասել է ռեկորդային ցուցանիշի՝ 488-ի։ Այս մասին ասվում է «Լրագրողներ առանց սահմանների» (RSF) կազմակերպության ամենամյա զեկույցում։ Պատանդ է պահվում 65 մարդ։ Սպանված լրագրողների թիվը (46) ամենացածրն է վերջին 20 տարվա ընթացքում։
«1995 թվականին RSF-ի տարեկան զեկույցների հրապարակումից ի վեր երբեք բանտերում գտնվող լրագրողների թիվն այսքան մեծ չի եղել: 2021 թվականի դեկտեմբերի կեսերի դրությամբ RSF-ն ուներ 488 լրագրող: Նրանց թիվը մեկ տարում աճել է 20%-ով։ Անօրինական կալանավորումների թվի այս բացառիկ աճը հիմնականում կապված է երեք երկրների հետ՝ Բիրմայի, Բելառուսի եւ Չինաստանի»,-ասվում է զեկույցում։
Բացի այդ, նախկինում RSF-ը չի հաշվել այսքան թվով կին լրագրողների բանտում. նրանցից 60-ը ներկայումս բանտարկված են իրենց մասնագիտության պատճառով: Սա մեկ երրորդով ավելի է (33%), քան 2020 թվականին։
«Լրագրողների անօրինական կալանավորումների նման մեծ թվի պատճառը երեք բռնապետական ռեժիմների գործունեության արդյունքն է,-ասել է RSF-ի գլխավոր քարտուղար Քրիստոֆ Դելուարը,-հետեւանք է ամբողջ աշխարհում բռնապետական միտումների, ճգնաժամների։ Դա կարող է լինել նաեւ ուժերի նոր աշխարհաքաղաքական դասավորվածության արդյունք, երբ չկա բավարար ճնշում ավտորիտար ռեժիմների վրա՝ սահմանափակելու նրանց ռեպրեսիվ գործողությունները»:
Միայն 2003 թվականին սպանված լրագրողների թիվը 50-ից պակաս էր: 2021 թվականի դեկտեմբերի 1-ի դրությամբ սպանվածների թիվը՝ 46, բացատրվում է զինված հակամարտությունների ինտենսիվության նվազմամբ (Սիրիա, Իրաք, Եմեն) եւ ԶԼՄ-ների ազատությունը պաշտպանելու համար կազմակերպությունների մոբիլիզացմամբ։
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...