Համավարակն էլ ավելի կխորացնի երկրների բաժանումը հարուստների ու աղքատների. ՎԶՄԲ-ն տնտեսության վերականգնմանն ուղղված խորհուրդներ է ներկայացրել
Կորոնավիրուսի համավարակն էլ ավելի կխորացնի երկրների բաժանումը հարուստների և աղքատների: Նման նախազգուշացում է արել Վերակառուցման և զարգացման միջազգային բանկը: Դա պայմանավորված է ֆինանսաբյուջետային ճգնաժամային միջոցներով. որոշ երկրներում այդ ծախսերը կազմել են ավելի քան ՀՆԱ-ի 20 տոկոսը, ինչը կթեթևացնի տնտեսության վերականգնման գործընթացը:
Ինչպես ներկայացնում է «Կոմերսանտ»-ը, միջին եկամուտ և զարգացող տնտեսություն ունեցող երկրներում նման միջոցների մասնաբաժինը զգալիորեն քիչ է եղել՝ մոտ ՀՆԱ-ի 5,9 տոկոսի չափով, իսկ աղքատ զարգացող երկրներում՝ մոտ ՀՆԱ-ի 3,4 տոկոսը: ՎԶՄԲ-ն համավարակից առավել շատ տուժած երկրներին խորհուրդ է տալիս առավելագույնս մեծացնել առկա ռեսուրսների օգտագործման արդյունավետությունը՝ տնտեսությունն աղքատության շեմին չհասցնելու համար:
ՎԶՄԲ-ն ներկայացրել է մոտ 4000 ֆինանսաբյուջետային հակաճգնաժամային միջոցների վերլուծություն, որոնք 2020 թվականից ի վեր ընդունել էր 203 երկիր:
Այս կամ այն գործիքների հասցեականության վերլուծության ժամանակ փորձագետները պարզել են, որ ամենից քիչ այն դրսևորվել է Մերձավոր Արևելքի և Հյուսիսային Աֆրիկայի երկրներում, իսկ առավել հստակ բյուջետային աջակցության միջոցները կիրառվել են Հյուսիսային Ամերիկայում, Եվրոպայում և Կենտրոնական Ասիայում:
Համաշխարհային բանկի կանխատեսումներով՝ 2021 թվականին իրական ՀՆԱ-ն ավելի ցածր կլինի, քան 2019 թվականին: Սա վերաբերում է ձևավորվող շուկաներով և զարգացող տնտեսություններ ունեցող բոլոր երկրներին, բացառությամբ մի շարք եվրոպական և ասիական պետությունների:
ՎԶՄԲ-ից ընդգծել են, որ ցածր եկամուտ ունեցող երկրների համար հետհամավարակային շրջանը հատուկ սպառնալիք է ներկայացնում աղքատության աճի պատճառով, ինչն էլ պայմանավորված է տնտեսական ակտիվության 5,2 տոկոսով նվազմամբ՝ նախահամավարակային շրջանի համեմատ:
Տնտեսության վերականգնման համար բանկի ներկայացրած ընդհանուր միջնաժամկետ խորհուրդներից են գործազրկության դեմ պայքարի ընդլայնումը և արտակարգ միջոցառումների աստիճանական չեղարկումը, ինչպես նաև վերադարձն առավել կոշտ ֆինանսական և հարկաբյուջետային քաղաքականությանը: Բանկը խորհուրդ է տալիս նախևառաջ հավաքել «հետաձգված» հարկերը և «հակաճգնաժամային» վարկերը:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Ինչո՞ւ են իշխանությունները թիրախավորել դատավորին. «Փաստ»