Կրակոցներ՝ Կոմիտասի «Երևան սիթի»-ի ավտոկայանատեղիում. հավաքվածներն էլ ասում էին. «Արաբկիրի ոստիկաններն օպերատիվ չգործեին, դիակներ էին հավաքելու»

Այսօր՝ դեկտեմբերի 23-ին, կրակոցներ են հնչել Երևանում։ Ժամը 18։15-ի սահմաններում ոստիկանության Արաբկիրի բաժին տեղեկություններ են ստացվել, որ Կոմիտասի պողոտայում գտնվող «Երևան սիթի» առևտրի կենտրոնի ավտոկայանատեղիում կրակոցներ են հնչել։


Դեպքի վայրում հավաքված մի քանի քաղաքացիներ, ովքեր հրաժարվեցին տեսախցիկի առաջ խոսել, SHAMSHYAN.com-ի թղթակցի հետ զրույցում ասում էին. «Ժամը 6-ի կողմն էր, «Երևան սիթի»-ի ստայանկում 4 հոգի իրար հետ վիճաբանում էին, ոնց որ թե ավտոմեքենան կայանելու համար։ Նրանցից մեկը զենքով սկսեց մի քանի կրակոցներ արձակել։ Բարեբախտաբար, մարդ չտուժեց, ու լավ էր, որ Արաբկիրի ոստիկանները շուտ հասան ու դրանց հենց ասֆալտի վրեն փռելով՝ տարան բաժին։ Տաքարյուն երիտասարդներ էին։ Եթե ոստիկանները մի քիչ ուշանային կամ մարդիկ էին վիրավորվելու, կամ դիակներ էին հավաքելու, ու չէր բացառվում, որ էդ կրակոցների արդյունքում անմեղ մարդիկ տուժեին»։

Գ. Շամշյանի տեղեկություններով՝ կրակվել է «Վալտեր» տեսակի ատրճանակից, ու վիճաբանությունը տեղի է ունեցել մանումենտցիների և գավառցիների միջև, ամեն կողմում՝ 2 հոգի։ 

Փաստի առթիվ ոստիկանության Արաբկիրի բաժնում նյութեր են նախապատրաստվում։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: