Կոլորադոյում անտառային հրդեհի հետեւանքով մոտ 1000 շինություն է ավերվել, երեք մարդ անհայտ կորել է
ԱՄՆ Կոլորադո նահանգի իշխանությունները հայտնել են, որ մոտ 1000 շենք եւ այլ շինություններ ավերվել են, հարյուրավորները վնասվել, եւ երեք մարդ անհետ կորել է անտառային հրդեհի հետեւանքով, հայտնել է Associated Press-ը։
Բոուլդեր շրջանի շերիֆ Ջո Պելլեն շաբաթ հայտնել է, որ քննիչները փորձում են պարզել հրդեհի պատճառը:
Պելլեն նշել է, որ կոմունալ ծառայությունների աշխատակիցները հրդեհի բռնկման տարածքում էլեկտրահաղորդման ոչ մի վնասված գիծ չեն հայտնաբերել։ Նա ասել է, որ իշխանությունները վերանայում են մի շարք հաղորդումներ եւ խուզարկության հրաման են տվել «մեկ կոնկրետ վայրում»: Շերիֆը հրաժարվել է մանրամասներ հաղորդել։
Իր հերթին, անանուն աղբյուրը հաստատել է, որ մեկ օբյեկտ է ստուգվում հրդեհից տուժած Սուպերիոր քաղաքից մոտ 2 մղոն (3.2 կմ) դեպի արեւմուտք:
Աղբյուրը նշել է, որ մուտքը տարածք, որը հետաքննության ենթակա մի քանի տարածքներից միայն մեկն է, արգելափակվել է Ազգային գվարդիայի կողմից:
Իշխանությունները նախապես հայտարարել էին, որ անհայտ կորածներ չկան։ Ավելի ուշ հայտարարվել է, որ դա տեղի է ունեցել արտակարգ իրավիճակի հետ կապված շփոթության պատճառով:
Պելլեն ասել է, որ իշխանությունները կազմակերպում են բրիգադներ՝ փնտրելու դիակներ եւ անհայտ կորածներ Սուպերիոր շրջանում եւ Բոուլդեր օկրուգից դուրս: Նրա խոսքով՝ խնդիրը բարդանում է քանդված շենքերի փլատակների պատճառով։
Պելլեի խոսքով՝ ավերվել է առնվազն 991 տուն եւ այլ շինություններ՝ 553-ը Լուիսվիլում, 332-ը՝ Սուպերիորում եւ 106-ը՝ շրջանի չընդգրկված հատվածներում: Նա զգուշացրել է, որ այս հաշվարկը վերջնական չէ։
Լուիսվիլում եւ Սուպերիորում սկսված անտառային հրդեհների հետեւանքով առնվազն յոթ մարդ է տուժել Դենվերից 20 մղոն (32 կմ) հյուսիս-արեւմուտք գտնվող հարեւան քաղաքներում, որոնց ընդհանուր բնակչությունը կազմում է 34.000 մարդ: Հրդեհի հետեւանքով այրվել է առնվազն 9.4 քառակուսի մղոն (24 քառակուսի կիլոմետր):
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Ինչո՞ւ են իշխանությունները թիրախավորել դատավորին. «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն