5,5 մագնիտուդով երկրաշարժ է տեղի ունեցել

Չինաստանի հարավարևմտյան Յունան նահանգում կիրակի գրանցվել է 5.5 մագնիտուդ ուժգնության երկրաշարժ։
Այդ մասին հաղորդում է Tass գործակալությունը ՝ վկայակոչելով Չինաստանի սեյսմոլոգիական կենտրոնի հաղորդագրությունը։ 
 
Նշվում է, որ ցնցումներ են գրանցվել Լիցզյան քաղաքում։ Էպիկենտրոնը գտնվել է Նինլանում, հիպոկենտրոնը՝ 10 կմ խորության վրա։

Զոհերի կամ ավերածությունների մասին տեղեկություն չի հաղորդվում։ Լիցզյանում ապրում է ավելի քան 1,2 միլիոն մարդ։