ԱՄՆ դեսպանատան մոտ ավտոմեքենա է այրվել

Երեւանում՝ ԱՄՆ դեսպանատան մոտ, այսօր՝ հունվարի 6-ին, ավտոմեքենա է այրվել։ 

Արտակարգ իրավիճակների նախարարությունից հայտնում են, որ մեքենայի այրվելու վերաբերյալ ահազանգ են ստացել ժամը 21։43-ին։ Դեպքի վայր է մեկնել երկու մարտական հաշվարկ։ Հրդեհը մեկուսացվել է ժամը 21։58-ին, մարվել՝ 22։16-ին։ Այրվել է «Volkswagen Golf-3» (վարորդ՝ Տ․ Պ․, ծնված 1989 թ․) մակնիշի ավտոմեքենան։

Shamshyan.com-ի տեղեկություններով՝ վարորդն իրավապահներին պատմել է, որ  ավտոմեքենան վարելու ընթացքում նկատել է կրակը, որն այնքան արագ է տարածվել, որ չի հասցրել մարել։