100-ամյա Սարիբեկ Արշակյանը 5 զավակ ունի, 65 թոռ ու ծոռ․ Գեղարքունիքի մարզպետը շնորհավորել 100-ամյա աստղաձորցուն
Գեղարքունիքի մարզպետ Կարեն Սարգսյանը հունվարի 8-ին այցելեց և շնորհավորեց Աստղաձորցի Սարիբեկ Արշակյանին՝ ծննդյան 100-ամյակի առթիվ: Այս մասին տեղեկանում ենք Գեղարքունիքի մարզպետարանից։
Մարզպետին ուղեկցում էր Մարտունի խոշորացված համայնքի ղեկավար Հովհաննես Հովեյանը:
Սարիբեկ Արշակյանը տոնական բարձր տրամադրությամբ դիմավորեց հյուրերին։ Մեծ Հայրենականի դաժան ճանապարհով անցած վետերանը խոսեց պատերազմից մինչև վիրավորում իր անցած ճանապարհի մասին, ցուցադրեց ստացած և մինչ օրս խնամքով պահպանած խրախուսանքներն ու մեդալները:
Մեծ Հայրենականի առաջին կարգի հաշմանդամության կարգ ունեցող Սարիբեկ պապը մարզպետին հպարտությամբ ներկայացրեց վերջին տարիներին հրատարակված «Մեծ Հայրենականի դեմքեր» գիրքը, որի մեջ առանձին էջով ներկայացված էր նաև տեղեկատվություն իր մասին: Պատերազմի ավարտից հետո, ինչպես զրույցի ընթացքում նշեց Սարիբեկ Արշակյանը, նա աշխատանքի է անցել հայրենի ծննդավայրում, մեծ ներդրում և աշխատանքային ավանդ ունենալով գյուղատնտեսության բնագավառում:100- ամյա հոբելյարն ամենուրեք գրանցել է աշխատանքային հաջողություններ։ Իրեն բախտավոր մարդ է համարում Սարիբեկ պապը, քանի որ շարունակում է վայելել շրջապատի հարգանքը, սերն ու ուշադրությունը։ Նա կարդում է, հետաքրքրվում քաղաքական անցուդարձով, այցելում հարևաններին, մեկ-մեկ էլ ոգելից խմիչք է օգտագործում: Սարիբեկ Արշակյանը 8 տարի առաջ կորցրել է 88-ամյա տիկնոջը: Հիացմունքով է խոսում իր 5 զավակների և 65 թոռների ու ծոռների մասին, հպարտանում Աստղաձորում, Հայաստանում և Ռուսաստանի տարբեր քաղաքաներում ունեցած իր հարազատներով:
«Ձեր այցով դուք ինձ կյանք պարգևեցիք: Կկամենամ, որ իմ հասակակիցներից բոլորին բախտ վիճակվի հյուրընկալել Գեղարքունիքի մարզպետին և համայնքի ղեկավարին: Ես երջանիկ մարդ եմ ինձ համարում և ինձ համար փառք ու պատիվ է նման ուշադրության արժանանալը: Շնորհակալ եմ, որ այսօր այցելել եք ինձ և օրվա առիթով շնորհավորում եք իմ տարեդարձը: Ես իմ երախտագիտությունն եմ հայտնում Հայաստանի ղեկավարներին, ովքեր ձգտում են մեղմել մեր ժողովրդի հոգսն ու ցավը, խաղաղ ու բարեկեցիկ կյանք ապահովել նրանց համար» ,- ասաց Սարիբեկ պապը:
Գեղարքունիքի մարզպետ Կարեն Սարգսյանը և Մարտունի համայնքի ղեկավար Հովհաննես Հովեյանը շնորհավորեցին հոբելյարին՝ Ամանորի և 100-ամյա տարեդարձի առթիվ և նվերներ փոխանցեցին, մաղթելով նրան առողջություն և երկար տարիների կյանք:
Հրաժեշտից առաջ մարզպետ Կարեն Սարգսյանը Սարիբեկ պապին առաջարկեց դադարեցնել ծխախոտ օգտագործել, ապա պայմանավորվեցին հանդիպել 1 ամիս անց, որպեսզի համատեղ նշեն պապի չծխելու 1 ամսյակը:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Տեր ենք կանգնելու մեր ընտրական իրավունքին. արտերկրում ապրող ՀՀ քաղաքացիներ
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...