Փաշինյանը «արարատյան կլան» է ստեղծում. վերադարձ ֆեոդալական բարքերին

Ընդդիմադիր Նիկոլ Փաշինյանը հաճախ էր բարձրաձայնում այն խնդիրը, որ Հանրապետական կուսակցությունը և անձամբ Սերժ Սարգսյանը մարզերում այնպիսի իրավիճակ են ստեղծել, որը մոտ է ֆեոդալական կառավարման և քիչ է մնում իշխանությունը մարզերում դարձնեն ժառանգովի:

Սակայն, այսօր, կարծես թե, նույն ձեռագիրը և գործելաոճը որդեգրել է հենց ինքը` Փաշինյանը: Լուրեր են պտտվում, որ Արարատի մարզպետ Ռազմիկ Թևոնյանն իր տեղը զիջելու է որդուն՝ Սեդրակ Թևոնյանին: Այս տեղեկությունը տարածել է հենց Փաշինյանի ընտանեկան կայքը: Ստացվում է, որ այսպես կոչված` նախկինների նմանությամբ Փաշինյանն էլ ՔՊ-ական կլաններ է ստեղծում մարզերում` սկսելով Արարատից: ԽԾԲ-ն Նոր Հայաստանում դեռևս չհաղթահարած, արդեն գործ ունենք մի իրավիճակի հետ, երբ մարզում իշխանությունը փոխանցվում է ասես ժառանգաբար՝ հորից որդուն: Ի՞նչ է սա, եթե ոչ հենց Փաշինյանի կողմից սահմանված խաղի կանոնների կոպիտ խախտում...