ԱՀԿ-ում չեն բացառել կորոնավիրուսի օմիկրոն տեսակից ավելի վարակիչ շտամի առաջացումը
Կորոնավիրուսի ապագա տեսակները կարող են լինել ավելի վարակիչ, քան օմիկրոնն է: Այդ մասին կիրակի հայտարարել է Առողջապահության համաշխարհային կազմակերպության փորձագետ Մարիա վան Քերքհովեն, հաղորդում է ՏԱՍՍ-ը:
«Որքան շատ է շրջանառվում այս վիրուսը, այնքան մեծանում է փոփոխության ենթարկվելու դրա հնարավությունը»,-ասել է նա: Օմիկրոնը չի լինի վերջին տարբերակը, որը մենք կքննարկենք, եւ շատ իրական է հավանականությունը, որ հետագայում մտահոգիչ տեսակներ ի հայտ կգան»,-հավելել է փորձագետը:
Քերքհովեն ընդգծել է, որ ներկայում կորոնավիրուսի նոր շտամերի հատկանիշների մասին հայտնի է, սակայն անկասկած դրանք կլինեն ավելի վարակիչ, քանի որ կպահանջվի գերազանցել տարբերակները, որոնք շրջանառվում են ներկայում: Այդ նոր շտամները կարող են առաջացնել մեծ կամ փոքր բարդության հիվանդություններ, սակայն դրանք նույնպես ունակ կլինեն խուսափել իմունիտետի ազդեցությունից, պարզաբանել է նա:
Փորձագետը կոչ է արել կրճատել հետագա տարբերակների առաջացման ռիսկը, որոնք մտահոգություն են առաջացնում: Նրա խոսքով՝ դա պետք է, որպեսզի կանխարգելվեն ծանր հիվանդությունները եւ որպեսզի տեղի չունենա առողջապահության համակարգերի գերծանրաբեռնվածությունը: Նա հիշեցրել է այդ կապակցությամբ, որ կորոնավիրուսով վարակված մարդիկ ենթարկվում են երկարաժամկետ հետեւանքների ռիսկին եւ մասնագետներին դեռեւս ամեն ինչ պարզ չէ «երկարաժամկետ քովիդի» մասին: Չնայած նորանոր տեղեկություններ են ստացվում, որ օմիկրոն շտամը հիմնականում ավելի թեթեւ ընթացքով է անցնում, քան դելտա շտամը, այն դեռեւս վտանգավոր է, եզրափակել է փորձագետը:
Գարշահոտ ու հակասանիտարական վիճակ՝ Մալաթիայում
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ
Երբ իրավունքի ուժը հատում է մարդասիրության սահմանը. «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»