Եթե Սեւանա լճում մաքրման աշխատանքներ չկատարվեն, լճի փոխարեն ճահիճ կունենանք․ Կարինե Դանիելյան
Սեւանա լճի աղտոտման գլխավոր պատճառը կոյուղաջրերն են, դրանից հետո՝ լճին հարակից գործող սննդի կետերը, հանգստավայրերը, լիճը թափվող թափոնները։ Այս մասին NEWS.am-ի հետ զրույցում ասաց բնապահպան Կարինե Դանիելյանը։
«Սեւանա լիճ կոյուղաջրերի հոսքի խնդիրը միշտ է եղել։ Մի կողմից, եթե ջրերի քանակը շատանում է, լավ է, որովհետեւ բարձրանում է ջրի մակարդակը, բայց մյուս կողմից, եթե աղտոտված ջուր է, խիստ վնաս է լճի համար։ Եվ, իհարկե, բացի ջրի աղտոտվածություններից նաեւ ձկնատեսակներին է վնաս հասցնում։ Եթե այսպես շարունակվի, մենք ուղղակի կարող ենք թունավոր ձուկ ուտել։ Սեւանա լճի ուժերը չեն բավարարում, որ այն ինքնամաքրվի այդ ամբողջ աղտոտվածությունից։ Մենք պետք է գնահատենք Սեւանա լճի կարեւորությունը մեզ համար, ինչը չենք անում»,- նշեց Դանիելյանը։
Բնապահպանը նկատում է՝ լիճն ամբողջովին մաքրելու համար, ամենայն հավանականությամբ, տասնամյակներ կպահանջվեն։
«Սեւանի հանդեպ խնամքը ուշադրություն եւ գումար է պահանջում։ Ի վերջո, եթե մաքրման աշխատանքներ չարվեն, լճի փոխարեն կարող ենք ունենալ ճահիճ, ինչն ուղղակի Հայաստանի վերջն է։ Պետք է վերանայվի ամբողջ ափամերձ տարածքը, վերափոխվի։ Այդ կոյուղաջրերը պետք է մաքրվեն, հետո նոր լցվեն Սեւան։ Դա հեշտ բան չէ, բայց անպայման պետք է արվի»,- ընդգծեց Կարինե Դանիելյանը։
Գարշահոտ ու հակասանիտարական վիճակ՝ Մալաթիայում
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ
Երբ իրավունքի ուժը հատում է մարդասիրության սահմանը. «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»