Էլեկտրաէներգիայի, ջրի և գազի գների աճը 2022-ին գնաճին հավելյալ կավելացնի 1-1.5%. Մարտին Գալստյան

Այո, 2021-ին սննդամթերքի գները շուրջ 12 տոկոով աճել են եւ դա ունի երկու հիմնական պատճառ. մեկը արտաքին շուկաներից եկող գնաճն է, մյուսը որոշակի ապրանքների սեզոնային գների աճն է: Այս մասին, այսօր՝ փետրվարի 1-ին, մամուլի ասուլիսում հայտարարեց ԿԲ նախագահ Մարտին Գալստյանը:

«Օրինակ, Հայաստանում 7,7 տոկոս գնաճ է եղել, իսկ ԱՄՆ-ում՝ 7 տոկոս: 1982 թվականից ի վեր ԱՄՆ-ում նման գնաճ չէր եղել: Ռուսաստանում այս պահին գնաճը 8,4 տոկոս է եւ դեռ աճում է: Մեզ մոտ 9,6 տոկոսից իջել ենք 7,7 տոկոսի: Վրաստանում երկնիշ թվով գնաճ կա:

Ակնկալել, որ սննդամթերքի մասով գնաճը այս տարի կկրկնի 2021-ի վարքագիծը, կարծում եմ՝ մեր բազային սցենարով այդպես չէ: Մենք ակնկալում ենք, որ սննդամթերքի գներն ավելի նվազ տեմպերով են աճելու»,-ասաց նա:

Հարցին, թե ինչ տեղի կունենա կարգավորվող գների հետ կապված, Գալստյանն ասաց. «Մեր գնահատականների համաձայն, մենք արդեն հաշվարկել ենք ջրի եւ էլեկտրաէներգիայի սակագների փոփոխության արդյունքում ակնկալվող գնաճը: Մեր գնահատականներով այն տարեկան կկազմի 0,6 տոկոս: Էլեկտրաէներգիայի մասով կա երկրորդային էֆեկտի ազդեցության հնարավորություն: Ընդհանուր գնաճը, որ վերաբերում է կարգավորվող գներին, գնահատում ենք, որ կլինի 1-15 տոկոս տարեկան կտրվածքով: Այսինքն դա կավելանա տարեկան գնաճին»: