Հայաստանի ընդերքի 100-ից ավելի տարվա պաշարները կսպառենք 10-15 տարվա ընթացքում. «Փաստ»
«Փաստ» օրաթերթը գրում է
Եթե այսպես շարունակվի, 10-15 տարվա ընթացքում մենք կմնանք ձեռնունայն. 100 տարվա պաշարները կսպառենք, անվերադարձ վնաս կհասցնենք շրջակա միջավայրին, մոտակա գյուղերին ու համայնքներին, որտեղ կսկսվի հայաթափման պրոցես: Այսպիսի մտահոգություն ունի «Էկոլոգիական հասարակական միություն» ՀԿ նախագահ, բնապահպան Սիլվա Ադամյանը:
Երեկ, անդրադառնալով Հայաստանում պղնձաձուլարան կառուցելու՝ Նիկոլ Փաշինյանի և «Գեոպրոմայնինգ Գոլդ» կազմակերպության տնօրենների խորհրդի անդամ Ռոման Տրոցենկոյի վերջին շրջանի հայտարարություններին, Ադամյանը մասնավորապես ասել է. «Վերջերս վարչապետը խոսեց նոր պղնձաձուլարան կառուցելու մասին։ Գիտենք, որ ԽՍՀՄ տարիներին Քաջարանում եղել է պղնձաձուլարան, բայց քանի որ խնդիրներ են ծագել՝ կապված մարդկանց առողջության պահպանման հետ, ձուլարանը փակվել է։ Սա բավականին լուրջ արտադրություն է, լուրջ արտանետումներով, որը պահանջում է մեծ գումարներ, լուրջ ներդրումներ, որպեսզի տեխնիկական այնպիսի միջոցներ ներդրվեն, որ շրջակա միջավայրը պաշտպանված լինի։ Բայց նախատեսվում է, որ այս պղնձաձուլարան կբերվի ՀՀ ամբողջ պղինձը, գունավոր մետաղները և ամբողջ գործունեությունը պետք է կատարվի այդտեղ։
Ծավալներն ահռելի են. բացի դրանից, եթե այդպես շարունակվի, ապա 10-15 տարվա ընթացքում մենք կմնանք ձեռնունայն, չենք ունենա այլևս ոչ մի բան, կտանք այն մարդկանց, ովքեր բիզնեսով են զբաղվում, և կնստենք դատարկ տաշտակի առաջ։ 100 տարվա պաշարները կսպառենք, անվերադարձ վնաս կհասցնենք շրջակա միջավայրին, մոտակա գյուղերին ու համայնքներին, որտեղ կսկսվի հայաթափման պրոցես։ Սա բավականին մտահոգիչ է մեզ համար։ Այդ մտահոգությունները մենք արտահայտել ենք նաև ԶՊՄԿ-ին ուղղված մեր նամակների մեջ, որոնք այդպես էլ մնացին անպատասխան»։
Մանրամասները՝ «Փաստ» օրաթերթի այսօրվա համարում
Գարշահոտ ու հակասանիտարական վիճակ՝ Մալաթիայում
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ
Երբ իրավունքի ուժը հատում է մարդասիրության սահմանը. «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»