Որ դեպքում «Օմիկրոնը» կարող է մահվան ելք ունենալ
ՌԴ բժշկական գիտությունների թեկնածու, իմունոլոգ Նիկոլայ Կրյուչկովը «Մոսկվա 24»-ին հայտնել է, որ ծերությունը, իմունային անբավարարության առկայությունը և քրոնիկական հիվանդությունները մեծացնում են մահացության վտանգը Omicron-ով վարակվելու դեպքում։
Ավելի վաղ ճապոնացի մասնագետները եկել էին այն եզրակացության, որ Omicron-ով վարակվելուց հետո սուր թոքաբորբով 60-ից բարձր մարդկանց հոսպիտալացումների թիվը զգալիորեն աճել է։ Նշվում է, որ այս հիվանդների կեսից ավելին օդափոխիչների կարիք է ունեցել:
Ըստ Կրյուչկովի՝ որքան քիչ դիմադրողական է իմունային համակարգը տարբեր տեսակի վարակների նկատմամբ, այնքան ավելի հավանական է ծանր հետևանքների առաջացումը Omicron-ով վարակվելուց հետո: