Հայկական կողմը վերջին 1 տարում Ադրբեջանին է փոխանցել առաջին պատերազմից անհետ կորած համարվող 108 անձի մարմին

«Ադրբեջանն անընդհատ խոսում է այն մասին, որ առաջին պատերազմից հետո ունենք մոտ 4000 անհետ կորածներ։ Ես ուզում եմ ասել, որ հայկական կողմը նույնպես ունի՝ պաշտոնական թվերով 777: Փորձ է արվում ներկայացնել, թե հայկական կողմը նաև այս հարցում կոնկրետ քայլեր չի ձեռնարկել։ Ես ուզում եմ տեղեկացնել, որ վերջին մեկ տարում ադրբեջանական կողմին է փոխանցվել առաջին պատերազմին անհետ կորած համարվող 108 մարդու մարմին, եթե այս դեպքում տերմինը ճիշտ է ուղարկել։ Առաջիկա օրերին մենք պատրաստվում ենք ևս 2 մարմին փոխանցել». Այս մասին այսօր՝ փետրվարի 9-ին, ԱԺ-ում ասաց ՀՀ վարչապետ Նիկոլ Փաշինյանը: