Վթարից հետո հիվանդանոց տեղափոխված տղամարդը, գիտակցության չգալով, մահացել է. նրա նշանածի վիճակը ծայրահեղ ծանր է

Փետրվարի 7-ին «Վանաձոր» բժշկական կենտրոնից ստացված ահազանգի փաստով, ՀՀ քր.օր-ի 242 հոդվածի 2-րդ մասի հատկանիշներով հարուցվել է քրեական գործ:

Shamshyan.com-ի հաղորդմամբ, «Վանաձոր» ԲԿ-ից ոստիկանության Ստեփանավանի բաժին հայտնել էին, որ փետրվարի 5-ին Ստեփանավան-Տաշիր ավտոճանապարհին տեղի ունեցած խոշոր ավտովթարի հետևանքով իրենց մոտ տեղափոխված 32-ամյա Նորիկ Մ-ն,  գիտակցության չգալով, մահացել է։

Կայքի տեղեկություններով՝ Նորիկ Մ-ի հետ ավտոմեքենայում եղել է նաև 19-ամյա Հեղինե Մ-ն, ով գտնվում է ծայրահեղ ծանր վիճակում։ Նա և վարորդը նշանադրված են եղել։ 

Ավելի վաղ հայտնել էինք, որ փետրվարի 5-ին խոշոր ավտովթար էր տեղի ունեցել Լոռու մարզում: Ժամը 23:30-ի սահմաններում Տաշիր քաղաքի բնակիչ՝ 32-ամյա Նորիկ Մ.-ն իր վարած Mercedes մակնիշի ավտոմեքենայով Տաշիր-Ստեփանավան ավտոճանապարհի 5-րդ կմ հատվածում դուրս էր եկել ճանապարհի երթևեկելի գոտուց, բախվել քարերին և գլխիվայր շրջվելով, հայտնվել դաշտում:

Վթարի հետևանքով Նորիկ Մ.-ն և նրա ուղևոր՝ 19-ամյա Հեղինե Մ.-ն մարմնական վնասվածքներով տեղափոխվել էին «Ստեփանավան» բժշկական կենտրոն: