Oxford Economics. Եվրոպայում գազը սպասվածից շատ ավելի թանկ կարժենա
2022 թվականին եվրոպական երկրներում գազը շատ ավելի թանկ կարժենա, քան ակնկալվում էր՝ շարունակելով խթանել գնաճը, կանխատեսում է բրիտանական Oxford Economics վերլուծական ընկերության եվրոպական տնտեսության ուղղության ղեկավար Անգել Տալավերան, գրում է «ՌԻԱ Նովոստի»-ն:
«Ռուսաստանի եւ Ուկրաինայի միջեւ շարունակվող աշխարհաքաղաքական լարվածությունը հումքային ապրանքների մասով մեր թիմին դրդեց էապես բարձրացնել ընթացիկ տարվա էներգակիրների գների մեր կանխատեսումը: Այժմ մենք ակնկալում ենք, որ նավթի գները բարձր կմնան ամբողջ 2022 թվականի ընթացքում՝ բարելի դիմաց մոտավորապես 86 դոլարի մակարդակում՝ նախկինում կանխատեսված 73 դոլարի փոխարեն: Նույն նաեւ բնական գազի գների մասով, որոնք այժմ, ըստ երեւույթին, շատ ավելի բարձր կլինեն ամբողջ տարվա ընթացքում, թեեւ ավելի վաղ ակնկալում էինք, որ դրանք երկրորդ եռամսյակից սկսած արագորեն կնվազեն»,- գրում է փորձագետը:
Գազի եւ նավթի մասով կանխատեսումները բարձրացվել են համապատասխանաբար «53 եւ 19 տոկոսով», նշում է փորձագետը։ Այս փոփոխությունները եվրոգոտում գնաճի գնահատականների զգալի ճշգրտման են հանգեցրել, հավելել է փորձագետը։ «Մեր նոր կանխատեսումը ենթադրում է, որ 2022 թվականին գնաճը կլինի միջինում 3.9 տոկոսի մակարդակում՝ ավելի վաղ կանխատեսվող 2.5 տոկոսի փոխարեն»,- նշել է Տալավերան։
Դեկտեմբերին եվրոգոտու 19 երկրներում տարեկան գնաճը, ըստ վերջնական գնահատականի, արագացել է մինչեւ 5 տոկոս՝ մեկ ամիս առաջվա 4.9 տոկոսի համեմատ, հաղորդում է Eurostat-ը։ Սա արժութային բլոկի ամենաբարձր ցուցանիշն է դարձել, եթե հաշվենք բոլոր 19 երկրների մասով, վկայում են Եվրոստատի նյութերը։ Գնաճի կտրուկ աճի հիմնական շարժիչ ուժն էներգակիրների գներն են դարձել, նշել էր Եվրահանձնաժողովը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...