Սպանված 3 զինծառայողները բազմաթիվ այլ վնասվածքներ են ունեցել, նրանցից մեկն արնաքամ լինելով է մահացել. նոր բացահայտումներ
2021 թվականի օգոստոսին մարտական հենակետում սպանված երեք զինծառայողները հրազենային վիրավորումից բացի ունեցել են այլ վնասվածքներ, զինծառայողներից մեկի կողոսկրերը կոտրված են եղել, նա մահացել է արնաքամ լինելով է մահացել: NEWS.am-ի հետ զրույցում զինծառայող Մուրադ Մուրադյանի իրավահաջորդի ներկայացուցիչ Հայարփի Սարգսյանը մանրամասներ հայտնեց դատաբժշկական փորձաքննությունից, որն ավարտվել էր օրեր առաջ:
Փաստաբանի խոսքով` դատաբժշկական փորձաքննության եզրակացությունը հերքում է նախաքննական մարմնի այն վարկածը, թե զինծառայողները պարզապես քնած են եղել եւ մահացել են հրազենային վիրավորումից:
«Ակնհայտ է, որ զինծառայողների մարմնի տարբեր մասերին բութ առարկաներով հարվածներ են հասցվել և ակնհայտ է, որ մեկ կամ երկու անձ չէին կարող միանգամից երեք զինծառայողի այդ կերպ վնասել, մենք գործ ունենք խմբակային հարձակման հետ։ Այլևս անհերքելի փաստ է նաև, որ զինծառայողներից մեկը շուրջ մեկ օր ողջ է եղել և արնաքամվել, որից հետո ստացել մահացու հրազենային վիրավորում և կարճ ժամանակ անց մահացել: Դատաբժիշկը նշել է հետևյալ կերպ. մահը վրա է հասել փորձաքննությունը կատարվելուց մոտ 13-15 ժամ առաջ, հրազենային վիրավորում ստանալուց հետո որոշակի կարճ ժամանակ անց։ Փորձաքննությունը սկսվել է օգոստոսի 20-ին՝ ժամը 11։00-ին։ Այստեղից հետևություն, որ մահը վրա է հասել օգոստոսի 19-ին՝ ժամը 20։00-22։00 ընկած ժամանակահատվածում։ Երկրորդ` մահացու հրազենային վիրավորում ստացել է նշված ժամին, քանի որ մահը վրա է հասել այդ վիրավորումից որոշակի կարճ ժամանակ անց։ Երրորդ`ներքին օրգանների սակավարյունություն է արձանագրվել, այսինքն՝ արնաքամվել է։ Եզրահանգում եմ վերոգրյալ փաստերի հիման վրա, որ ի թիվս այլ վնասվածքների՝ մահացու հրազենային վնասվածքը Լևոն Հարությունյանին պատճառվել է օգոստոսի 19-ին՝ ժամը 20։00-22։00, այսինքն՝ դեպքից 18-20 ժամ հետո»,- ասաց նա:
Փաստաբանի խոսքով` բացի դատաբժշկական փորձաքննությունից մի քանի այլ փորձաքննություններ են արվել, որոնցով բացառվել է զինծառայողների օրգանիզմում թմրանյութեր, հոգեմետ նյութեր կամ ալկոհոլային ազդեցությունը, նաեւ սեռական բռնության ենթարկելու փաստը:
«Մինչ այս փորձաքննությունը մի քանի փորձաքննություն արվել է, պարզվել է, որ զինծառայողների օրգանիզմում թմրանյութեր, հոգեմետ նյութեր կամ ալկոհոլային ազդեցություն բացառվում է, դեռևս հագուստների և զենքերի փորձաքննություն չի իրականացվել։ Իսկ զենքերի գենետիկական փորձաքննություն նշանակված չի եղել, միջնորդել եմ, մերժել է քննիչը, պիտի բողոքարկեմ գլխավոր դատախազին։ Այսինքն՝ այն վարկածը, թե միջանձնային խնդիրներ են եղել, հարբած են եղել, թմրանյութ օգտագործած են եղել, ինչպես որ քննիչը հարազատներին է ասել, հերքվեց։ Նաև սեռական բռնությունն է բացառվել»,- ասաց նա։
Ավելին՝ այստեղ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Գարշահոտ ու հակասանիտարական վիճակ՝ Մալաթիայում
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ