«Comedy Woman»-ի աստղը մեկնաբանել է կռիվը շոուի մեկ այլ մասնակցի հետ

«Comedy Woman» նախագծի աստղ Մարինա Ֆեդունկիվը պատմել է շոուի մեկ այլ մասնակցի՝ Նադեժդա Սիսոեւայի հետ վեճի մասին։ «Сама Меньшова» YouTube-յան շոուի ընթացքում արտիստը ներկայացրել է իրադարձությունների իր տարբերակը։

«Իհարկե, կռվել չի կարելի։ Ես չէի էլ ասի, որ հենց կռիվ է եղել։ Ես հարվածել եմ նրա վզակոթին եւ նստատեղին, ահա եւ վերջ»,- հայտարարել է Ֆեդունկիվը։ Արտիստի խոսքով՝ իր գործողությունները հետեւել են գործընկերոջ գռեհիկ պահվածքին։ «Ես բռիությանը նույն կերպ եմ պատասխանում։ Ես այդպես որոշեցի»,- ասել է Ֆեդունկիվը։

Մարինա Ֆեդունկիվը խոստովանել է, որ հետագայում երկար ժամանակ վերլուծել է իր քայլը, սակայն վստահեցրել է, որ եթե դեպքը կրկնվեր, ինքը նույն կերպ կվարվեր։ «Դա իմ բռնկուն բնավորությունից է։ Դրանից հետո մեկ տարով հեռացրին Comdey-ից։ Բայց այդ պահին արդեն ես մի քանի անգամ փորձել էի հեռանալ, դուր չէին գալիս խաղացանկը ու մնացած ամեն բան։ Ես Նադյայի պատճառով չեմ հեռացել»,- ասել է Ֆեդունկիվը։

Սիսոեւան Ֆեդունկիվի հետ վեճի մասին պատմել է 2020թ․-ի նոյեմբերին YouTube-յան «Бар в большом городе» շոուի ընթացքում։ Նրա խոսքով՝ կոնֆլիկտը տեղի է ունեցել շրջագայության ընթացքում։ Երբ արտիստներն առավոտյան երկար սպասել են Ֆեդունկիվին, Սիսոեւան խնդրել է, որ նա առանձին մեքենաով գնա։ Երբ Comedy Woman-ի մասնակիցներն օդանավակայան են հասել, Ֆեդունկիվը կռիվ է սկսել։ Սիսոեւան հավելել է, որ դրանից հետո գործընկերոջը մեկուկես տարով հեռացրել են աշխատանքից։