Սննդաբանները թվարկել են այն մթերքները, որոնք երկարացնում են երիտասարդությունը

Սննդաբանները նշել են 10 մթերք, որոնք կարող են երկարացնել օրգանիզմի երիտասարդությունը։ Այս մասին հայտնում է Fox News-ը։

Կարա Լանդաուի խոսքով՝ կարտոֆիլը պարունակում է դիմացկուն օսլա, որը կանխում է որովայնի ճարպակալումը։

Դիմացկուն օսլան չի մարսվում, երբ անցնում է ստամոքս-աղիքային տրակտով: Փոխարենը, այն խմորվում է աղիքներում ապրող օգտակար բակտերիաների կողմից:

Ֆերմենտացման գործընթացում արտազատվում են ենթամթերքներ, որոնք բարելավում են մարմնի արձագանքը ինսուլինին, որն օգնում է կանխել որովայնի շրջանում ճարպի առաջացումը», – ասել է Լանդաուն։

Նա նաև խորհուրդ է տալիս չհասած բանան ուտել։ Այն ևս հարուստ է դիմացկուն օսլայով։ Նույնը վերաբերում է բանանի ալյուրին, որը կարելի է ավելացնել վարսակի ալյուրի կամ սմուզիի մեջ։

Սննդաբան Քայլի Իվանիրը խորհուրդ է տալիս արտիճուկ ուտել։

«Արտիճուկի հիմնական հակաօքսիդանտներն ու ֆիտոնուտրիենտներն են կվերցետինը, ռուտոզիդը, գալիկաթթուն և ցինարինը: Դրանք անհրաժեշտ են մեր բջիջների համար առողջ և կյանքով լի լինելու համար»,- ասել էսննդաբանը:

Նա նաև խորհուրդ է տալիս սննդակարգում ներառել նուռ, քանի որ այն պարունակում է մեծ քանակությամբ վիտամին C։ Վերջինս նպաստում է կոլագենի, ինչպես նաև բազմաթիվ հակաօքսիդանտների, այդ թվում՝ ֆլավոնոիդների և անտոցիանների արտադրությանը։ Եվ այս սնուցիչները օգնում են պաշտպանել մարմնի բջիջները սթրեսից:

Երիտասարդությունը երկարացնում են նաև մածունը, թթու կաղամբը, լոբին, բրոկկոլիի ծիլերը, հապալասը և տավարի լյարդը։