Հիմնվել է ուսումնական լաբորատորիա. ԱԿԲԱ Ֆեդերացիա
Հայաստանի ազգային ագրարային համալսարանում ԱԿԲԱ Ֆեդերացիայի և «Երևանի գարեջուր» ՓԲԸ աջակցությամբ գործարկվել է գարեջրագործության և թորման ուսումնափորձարարական նորարարական լաբորատորիա:
Համագործակցության շնորհիվ իրականացվել է լաբորատորիայի և կից տարածքի վերանորոգում, կահավորում, ձեռք են բերվել գարեջրի թորման հոսքագիծ, ինչպես նաև այլ անհրաժեշտ սարքավորումներ և գործիքներ:
Նոր լաբորատորիան ծառայելու է ոչ միայն Հայաստանի ազգային ագրարային համալսարանում սովորող ուսանողների գործնական գիտելիքների ու հմտությունների զարգացմանը, այլ նաև տարբեր ծրագրերի միջոցով վերապատրաստման հնարավորություն կընձեռի ոլորտային մասնագետներին:
«Մեր և Հայաստանի ազգային ագրարային համալսարանի համագործակցությունը հարուստ պատմություն ունի: Այս անգամ ԱԿԲԱ Ֆեդերացիան միացավ համալսարանում գարեջրագործության և թորման ուսումնական լաբորատորիա ստեղծելու նախաձեռնությանը: Վստահ ենք, որ այս լաբորատորիան կնպաստի ոլորտում պրոֆեսիոնալ մասնագետների պատրաստմանը, ինչպես նաև խթան կդառնա ոլորտային փոքր արտադրություններ հիմնելու համար»,- նշել է «ԱԿԲԱ Ֆեդերացիա» ՓԲԸ գլխավոր տնօրեն Հարություն Պողոսյանը:
Հայաստանի ազգային ագրարային համալսարանի ռեկտոր Վարդան Ուռուտյանը, շնորհակալություն հայտնելով ԱԿԲԱ Ֆեդերացիային գաղափարակից լինելու և աջակցության համար, նշել է, որ ԱԿԲԱ Ֆեդերացիան Ագրարային համալսարանի բազմամյա և հուսալի գործընկերն է, որը մշտապես սատարել է ագրարային կրթության զարգացման, գյուղատնտեսության ոլորտի որակյալ կադրերի պատրաստման գործին:
ԱԿԲԱ Ֆեդերացիան Ակբա բանկի միակ նշանակալից մասնակիցն է, բանկի 83,68% բաժնետոմսերի սեփականատերը: Ակբա բանկում ունեցած մասնակցության շնորհիվ ԱԿԲԱ Ֆեդերացիան նպաստում է Հայաստանի ողջ տարածքում գյուղատնտեսության, նորարարական գյուղատնտեսության, գյուղական շրջաններում փոքր և միջին բիզնեսի, ինչպես նաև համայնքների զարգացմանը: ԱԿԲԱ Ֆեդերացիան նաև օժանդակում է երիտասարդների` գյուղատնտեսական ոլորտի կամ գյուղական համայնքների զարգացմանը միտված հեռանկարային գաղափարների իրականացմանը:
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Գարշահոտ ու հակասանիտարական վիճակ՝ Մալաթիայում
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ