Ռիհաննան, Ասափ Ռոքին, Ջառեդ Լետոն և այլք՝ Գուչիի ցուցադրությանը

Նորաձևության շաբաթին երգչուհի Ռիհաննան իր ամուսնու՝ Ասափ Ռոքիի հետ ներկայացել է Գուչիի նոր՝ աշուն-ձմեռ հավաքածուի ցուցադրությանը։
Ավանդույթները չխաղտելով՝ Ռիհաննան ներկայացել է կիսամերկ՝ մարմինը չքողարկող զգեստով։ Երգչուհին հարցազրույցներից մեկում նշել է, որ ցանկանում է փոխել մարդկանց կարծիքը ապագա մայրիկի ավանդական տեսքի վերաբերյալ։
Ռիհաննան հայտնել է, որ չի պատրաստվում հղիության պատճառով իրեն զրկել նորաձևության փորձարկումներից, քանի որ նորաձևությունը իր ամենակարևոր հոբբիներից է։

«Այս պահին ցանկանում եմ առաջ տանել այն միտքը, որ հղի կանայք էլ են կրքոտ։ Հասարակությունը սպասում է, որ կինը հղիության ժամանակ պետք է քողարկի մարմինը, թաքնվի և որ հնարավոր չէ լինել կրքոտ հղիության ընթացքում, ինչը, իմ կարծիքով, անհեթեթություն է»,-նշել է նա։