Ադրբեջանցիները կրակել են Արցախի Նոր Շեն գյուղի ուղղությամբ, բարձրախոսով հորդորել լքել տարածքը
Արցախում ադրբեջանցիները մարտի 4-ին կրակել են Նոր Շեն գյուղի ուղղությամբ, այնուհետեւ բարձրախոսով հայտարարել են, որ գյուղացիները լքեն տարածքը, հակառակ պարագայում բռնի ուժով իրենք դա կանեն: Այս մասին NEWS.am-ի հետ զրույցում ասաց Արցախի Ազգային ժողովի «Արդարություն» խմբակցության պատգամավոր Մետաքսե Հակոբյանը։
«Գյուղացիները դեպքից անմիջապես հետո դիմել են վարչակազմի ղեկավարին, խաղաղապահներն են շատ արագ եկել ու կարողացել են հանդարտեցնել, բայց գյուղատնտեսական աշխատանքները հնարավոր չի եղել շարունակել եւ դադարեցվել են: Խաղաղապահները խոստացել են, որ 1 ամիս շարունակ իրենք գյուղացիների կողքին կլինեն,դաշտում գյուղատնտեսական աշխատանքները իրականացնելիս, մինչեւ լուծում կգտնեն»,- պատմեց պատգամավորը:
Հակոբյանի խոսքով` այս իրավիճակում իշխանությունների լռությունն է դառնում անհանգստացնող:
«Չնայած ժողովուրդը սրան էլ է արդեն սովորել եւ իր թիկունքին չի զգում իշխանություններին, եւ երեւի դա ձեռք էլ է տալիս այս իշխանություններին, որ գլուխները կախ իրենց գործերը անեն: Շատ ժամանակ բնակիչները շրջանցում են իշխանական թեւը եւ մտածում են, որ իրենք անձամբ պետք է ռուս խաղաղապահներին դիմեն, կամ ինչ-որ հարցեր կարգավորեն, ինչը նորմալ չէ: Պաշտոնական մակարդակներում առաջինը պետք է սա բարձրաձայնվեր, ինչը չի արվում եւ այս լռությունը կարելի է համագործակցություն դիտարկել»,- նշեց նա:
Նշենք, որ նույն ձեռագրով հակառակորդը օրեր առաջ Խրամորթ գյուղում էր գյուղացիներին արգելել գյուղատնտեսական աշխատանքներ իրականացնել: Միջադեպը հարթվել էր խաղաղապահների միջամտության արդյունքում:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»