«Արցախում այս եղանակին գազ չկա. ծայրահեղ ծանր վիճակում ենք». Մետաքսե Հակոբյան
«Արցախգազի» աշխատակիցները դիմել են ռուս խաղաղապահներին, որ նրանց միջնորդությամբ կարողանան ուսումնասիրել Ադրբեջանի վերահսկողության տակ անցած տարածքները, որպեսզի փորձեն գտնել գազի պայթած խողովակը, սակայն բանակցություններն արդյունք չեն տվել։ Այս մասին NEWS.am-ի հետ զրույցում ասաց ԱՀ ԱԺ «Արդարություն» խմբակցության պատգամավոր Մետաքսե Հակոբյանը։
«Նույնիսկ առաջարկ է եղել, որ ռուս խաղաղապահները փորձեն գտնել պայթած խողովակի տեղը, կրկին թույլ չեն տվել»,- ասաց Մետաքսե Հակոբյանը։
Ավելի վաղ «Արցախգազ» ԲՓԸ–ը տեղեկացրել էր, որ մայրուղային բարձր ճնշման գազատարի վնասման պատճառով Արցախի Հանրապետության տարածքում խափանվել է գազամատակարարումը։ Նշվել էր, որ գիշերը ժամը ՝ 01:00-ի սահմաններում, Շուշի- Զառիֆլու բնակավայրերի տարածքում տեղի է ունեցել վթար, որի հետեւանքով վնասվել է մայրուղային բարձր ճնշման գազատարը:
Հակոբյանի համոզմամբ՝ ադրբեջանցիները դիտավորությամբ են պայթեցրել գազատար խողովակը. «Պատկերացրեք, որ այս եղանակին գազ չկա. ծայրահեղ ծանր վիճակում ենք։ Այն դպրոցները, որոնք գազով են ջեռուցվում, շատ ցուրտ էր, բայց դասապրոցեսը շարունակվել է»։
Հարցին՝ ինչո՞ւ պետք է դիտավորությամբ ադրբեջանցիները պայթեցնեին գազատար խողովակը, պատգամավորը պատասխանեց. «Երբ ՌԴ ռազմական գերատեսչության պաշտոնական ներկայացուցիչը հայտարարեց, որ Լեռնային Ղարաբաղից եւս հումանիտար օգնություն է փոխանցվել ՌԴ, դրան հաջորդեց Ադրբեջանի ԱԳՆ-ի հայտարարությունը, որն ուղիղ սպառնալիք էր ե՛ւ Արցախում բնակվող հայերին, ե՛ւ ռուս խաղաղապահներին։ Մենք սպասում էինք, որ ինչ-որ մի բան անելու են, եւ գիշերը կատարվեց։ Մենք Ստեփանակերտում լսել ենք պայթյունի ձայները»։
Դեպքի առնչությամբ հայտարարություն է տարածել նաև Արցախի ՄԻՊ-ը՝ նշելով, որ գազամատակարարման վերականգնմանը խոչընդոտելով՝ Ադրբեջանը ցանկանում է Արցախում հումանիտար խնդիրներ հարուցել։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»