Apple Inc-ը իր ոչ թանկարժեք iPhone SE-ի նոր տարբերակն է ներկայացրել

Apple Inc-ը ներկայացրել է իր ոչ թանկարժեք iPhone SE-ի նոր տարբերակը, որը 5G-ի միացման հնարավորություն է ներառում, եւ նոր iPad Air-ը:

429 դոլար գինը մի փոքր ավելի բարձր է, քան 399 դոլարանոց նախորդ iPhone SE մոդելինը: Նոր հեռախոսը մարտի 18-ից վաճառքում կհայտնվի։

iPhone SE-ն ունի A15 Bionic չիպ, որն, ըստ Apple-ի, ամենաարագն է մրցակիցների շրջանում, 4,7 դյույմանոց Retina էկրան եւ «Home» կոճակ՝ Touch ID-ով:

Նոր iPad Air-ն իր առաջին թարմացումը ստացել է երկու տարվա ընթացքում՝ նոր դիզայնով, 5G-ի միացման հնարավորությամբ եւ MacBook-ում տարածված ավելի արագ M1 չիպսեթով: Մեկնարկային գինը մնում է նույնը՝ 599 դոլար, վաճառքում կհայտնվի մարտի 18-ից։ Նոր iPad Air-ը նաեւ 12 մեգապիքսելանոց դիմային տեսախցիկ ունի:

Apple-ը նաեւ ներկայացրել է iPhone 13-ի նոր մոդելները՝ երկու նոր գույներով, այդ թվում՝ ալպյան կանաչ։