Զովունիում դպրոցի մոտ իրեն ու կնոջը պայթեցրած տղամարդու երեխաները դեպքի պահին դպրոցում են եղել. Մանրամասներ
Այսօր Զովունի գյուղում դպրոցի մերձակայքում տեղի ունեցած պայթյունից մահացած կնոջ ու տղամարդու չորս որդիներից երկուսը դեպքի ժամին դպրոցում են եղել, հաղորդում է Aravot.am-ը:
Դպրոցի տնօրենը՝ Հասմիկ Հարությունյանը կայքի հետ զրույցում նշել է. «Իրենք տարիներ շարունակ Ռուսաստանում են ապրել, մանրակրկիտ տեղեկություններ չունենք։ Երեւի արդեն երկու տարի է՝ ինչ վերադարձել են Ռուսաստանից: 4 որդիներից մեկը մեր դպրոցի շրջանավարտ է, մյուսը, եթե չեմ սխալվում, 9-րդ դասարանն է ավարտել։ Երկու երեխաները հիմա մեր դպրոցի աշակերտ են: Այսօր դպրոց եկել էին լավ տրամադրությամբ: Մահացածները բժիշկ տղա ունեն, որը ե՛ւ բժշկական համալսարանում է սովորում, ե՛ւ աշխատում է, շատ գրագետ, խելացի տղա: Եվ ընդհանրապես բոլոր երեխաներն էլ շատ դաստիարակված են, հիմա միջնեկ տղային դասավանդում եմ, շատ լավ երեխա է: Մեծ եղբայրն էր այսօր զանգել հորեղբոր տղային ու իր եղբորը, թե մաման զանգել է, ասել է, էդ մասում է, մի հատ տեսեք: Բայց քանի որ մեր դպրոցի դռները փակ են, երեխաները դուրս չեն եկել: Հետո երբ իմացանք՝ ինչ է կատարվել, մենք ինքներս կապվել ենք բժիշկ տղայի հետ, թե ինչ անենք քո եղբայրների հետ, ուր բերենք, ասաց՝ ես ընդառաջ կգամ, դուրս հանեք: Ինքը եղբայրներին դիմավորեց, երեխաները անտեղյակ էին կատարվածի մասին, փոքրը երրորդ դասարանում է սովորում, մեծ եղբայրը Ռուսաստանում է»:
Կան տեղեկություններ, որ հենց ամուսինն է պայթուցիչով պայթեցրել իրեն ու կնոջը: Ըստ որոշ տեղեկությունների՝ նրանք ամուսնալուծված էին, սակայն այս տեղեկությունը մեզ հետ զրույցում չհաստատեց ոչ դպրոցի տնօրենը, ոչ էլ գյուղապետը՝ Արտաշես Ղարիբյանը:
Մեր զրուցակցի խոսքով, նրանք Զովունիում չեն բնակվում: Իրեն հասած տեղեկությունների համաձայն՝ այսօր մահացած կինը դպրոցի մերձակայքում աշխատանքի է անցել, իսկ ամուսինը տարիներ շարունակ թույլ չի տվել, որ կինն աշխատի:
Ամենայն հավանականությամբ՝ հենց այդ հարցերով են ամուսինները վիճել: Կան լուրեր, որ նախքան պայթեցնելը, ամուսինը քաշքշել է կնոջը:
Հասմիկ Հարությունյանին հասած տեղեկությունների համաձայն՝ կինը ավտոբուսից իջել է, գնացել է իր աշխատավայրի ուղղությամբ, հենց այդ հատվածում էլ ամուսիններով հանդիպել են:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»