Այլընտրանքային էներգիա․ «Յուքոմ» և «Սոլարա» ընկերությունների գործակցությունից կշահեն բիզնես-հաճախորդները
«Յուքոմ» և «Սոլարա» ընկերությունները հանդես են եկել նոր առաջարկով, որի շրջանակներում «Յուքոմ»-ի Ֆիքսված կապի թե՛ նոր, թե՛ առկա կորպորատիվ բաժանորդները կարող են տեղադրել Solara արևային ֆոտովոլտային համակարգ և ստանալ «Յուքոմի» ֆիքսված կապի ծառայություններից մինչև 400 000 դրամ սահմանաչափով օգտվելու հնարավորություն:
«Մեր երկու ընկերությունների միջև գործակցության նպատակն է ունենալ վերականգնվող էներգիայի և խնայողության բարձր ցուցանիշներ: Առաջարկում ենք երկրում գործունեություն ծավալող բոլոր գործարարներին ոչ միայն էապես կրճատել ծախսերը, այլև հոգալ շրջակա միջավայրի մասին՝ հնարավորինս նվազեցնելով վնասակար նյութերի արտանետումն արտաքին միջավայր», - ասել է «Յուքոմ» ընկերության գլխավոր տնօրեն Արա Խաչատրյանը։
«Լինելով մեր ոլորտների առաջատարներից՝ մեկնարկել ենք տարբերվող մի նախաձեռնություն, որը խթանելու է Հայաստանում վերականգնվող էներգետիկայի ծավալների մեծացումը: Արևային էներգիայի օգտագործումը շահավետ է ինչպես բնապահպանական, այնպես էլ տնտեսական առումներով: Նախաձեռնություն-առաջարկն ավելի հասանելի է դարձնում արևի տնտեսական արդյունավետությունը մեր սպառողներին: Յուքոմի մեր գործընկերների հետ մշակել ենք ամբողջական առաջարկ, որից օգտվելով գործարարները, բացի էներգիայի ծախսերի զրոյացումից, հեռահաղորդակցության ոլորտում ձեռք են բերում բազմաթիվ առավելություններ: Վստահ եմ, որ այս նախաձեռնությունը կտա իր ցանկալի արդյունքները», - նշել է «Սոլարա» ընկերության գլխավոր տնօրեն Հայկ Պետրոսյանը:
Ձեռք բերելով նվազագույնը 20 կՎտ հզորությամբ Solara արևային համակարգ՝ կորպորատիվ հաճախորդները կստանան հնարավորություն օգտվելու 40 Մբ/վ արագությամբ ֆիքսված ինտերնետից 6 ամիս շարունակ, ինչպես նաև կունենան տարեկան 1 350 000 դրամի չափով հոսանքի խնայողություն։ Իսկ 300 կՎտ հզորությամբ արևային համակարգ ձեռք բերելու դեպքում՝ 40 Մբ/վ արագությամբ ֆիքսված ինտերնետից կօգտվեն 12 ամիս շարունակ, բացի այդ կստանան նաև 10% զեղչ արևային ֆոտովոլտային համակարգի համար և տարեկան հոսանքի խնայողություն՝ 20 250 000 դրամի չափով։ Փաթեթը նախատեսում է 500 կՎտ, 1 կամ 1.5 ՄՎտ և ավել հզորությամբ կայանների համար մշակված տարբերակներ, որոնցից, օրինակ, 1.5 ՄՎտ հզորությամբ արևային ֆոտովոլտային կայանն ընտրելու դեպքում գործարարը տարեկան շուրջ 101 250 000 դրամ խնայելու հնարավորություն է ստանում:
Հավելենք, որ հատուկ առաջարկը հասանելի է ցանկացած բիզնեսի համար, անկախ գործունեության ոլորտից:
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Երբ ակնկալիքների ու իրականության միջև խոր անդունդ է. «Փաստ»
Գարշահոտ ու հակասանիտարական վիճակ՝ Մալաթիայում
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»