Լոռիում ձնաբքի պատճառով վնասվել են հոսանքի լարերը, 4 գյուղ մարտի 29–ից հոսանքազրկվել է
Ձյան առատ տեղումների պատճառով Լոռու մարզի Ուրասար, Արմանիս, Կաթնաղբյուր եւ Կաթնառատ բնակավայրերը մարտի 29–ից հոսանքազրկված են։ Ձյունն այնքան առատ է եղել, որ ձնամաքրման աշխատանքները մինչեւ այսօր շարունակվում են։
NEWS.am-ի հետ զրույցում Ուրասար համայնքի վարչական ղեկավար Գեւորգ Մանուկյանը պատմեց, որ այդ տարածաշրջանում շուրջ 10 օր ձյուն է տեղացել, որի շերտի հաստությունը հասել է մոտ 1 մետրի։
«Վերջին օրերին առատ ձյուն էր գալիս, հետո ուժեղ քամի եղավ ու Կաթնաղբյուր գնացող ճանապարհը փակվեց։ Հոսանքի սյուներն էլ գալիս է հենց այդ ճանապարհի կողքով, քամու պատճառով վնասվել են հոսանքի լարերը եւ 4 գյուղ հոսանքազրկվել է։ Ճանապարհը մաքրում է 2 տեխնիկա, դրանից ավել տեխնիկա այստեղ չի կարող աշխատել, ձնամաքրման աշխատանքները դեռ շարունակվում են։ Բարեբախտաբար, Կաթնաղբյուրում վերականգնվել է հոսանքը, հիմա աշխատում են մեր գյուղի ուղղությամբ»,– ասաց Ուրասարի վարչական ղեկավարը։
Ուրասարը Հայաստանի այն գյուղերից մեկն է, որտեղ գազ չկա։ Գյուղում ջեռուցումն իրականացվում է փայտի վառարաններով։
«Ստեփանավանի համայնքապետն ակտիվ աշխատում է։ Գազաֆիկացում ապահովելու համար մեծ ռեսուրսներ են պետք։ Խոստացել են, որ կլինի, ծախսը շատ է, բայց հերթը դրան էլ կհասնի։ Հետպատերազմական վիճակում ըմբռնումով ենք մոտենում, միանգամից բոլոր խնդիրները հնարավոր չէ լուծել»,– հավելեց Գեւորգ Մանուկյանը։
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ