Ի՞նչ նպատակով էին այսօր գնդացիրներ տեղափոխել Երևան
Ոստիկանությունը հայտնում է , որ այսօր վաղ առավոտյան Արցախ-Երևան ճանապարհի Սիսիանի ոստիկանական կայուն հենակետում կանգնեցվել է մի ավտոմեքենա, որի ստուգման ընթացքում հայտնաբերվել է ՌՊԿ տիպի երկու գնդացիր: Մեքենայում գտնվող երեք անձանցից մեկը ձերբակալված է: Վերջին օրերին ներքաղաքական լարվածության ֆոնին հնչում են տարբեր վարկածներ, թե ինչ կարող է տեղի ունենալ մայիսի 1-ին և հաջորդող օրերին: Դրանցից դուրս չեն մնում նաև վատատեսական, բախումներ կանխատեսող սցենարների մասին ահազանգերը: Ոստիկանության հայտնաբերած դեպքը տարակուսանքի առիթ է տալիս, տրամաբանական հարց առաջացնելով, թե ինչ նպատակով են գնդացիրներ փորձել հասցնել մայրաքաղաք: Ընդդիմադիր երիտասարդները օրեր առաջ անվադողեր էին տեղադրում կենտրոնական պողոտաներից մեկում, հիմա անհայտ անձինք գնդացիրներ են փորձել բերել մայրաքաղաք: Միթե Հայաստանում կան ուժեր, որ կարծում են Երևանի կենտրոնում գնդացիրներով կարող են Արցախ փրկել, կամ որևէ այլ հարց լուծել, ընդհակառակը՝ մայրաքաղաքում գնդացիրներով կարող է լուծվել միայն մեկ խնդիր պետականության կործանման հարցը: Ընդդիմության վերջին շրջանի հռետորաբանությունը, հնչող կոչերը իհարկե հիմք տալիս է կարծելու, որ գնդացիր և այլ հրազեն կիրառելը հեռու չէ իրենց գործելաոճից, բայց պիտի քաջ գիտակցեն, որ բռնությունը չպետք է տեղ ունենա քաղաքականության մեջ: Մարտի 1-ին քաղաքացիների վրա կրակ բացելու հրաման տվողները այսօր ընդդիմության առաջին շարքերում մտքներից պիտի հանեն, որ բռնությամբ և բախումներով որևէ հարցի կարող են հասնել: Իրավապահ մարմինները այս օրերին և հատկապես առաջիկա ժամերին պետք է հնարավորինս օպերատիվորեն արձագանքեն հնարավոր բոլոր սադրանքներին: Նրանք այս րոպեներին ոչ թե պաշտպանում են իշխանություններին ու երկրի ղեկավարներին, այլ պաշտպանում են առաջին հերթին Հայաստանի պետականությունը, ժողովորդավարությունը և քաղաքացիների անվտանգությունը:
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...