Իջևանում կայացած աշխատանքային տոնավաճառին ներկայացվել է «ԻննոԻջևան» նախագիծը
Մայիսի 6-ին ԵՊՀ Իջևանի մասնաճյուղի բակում Եվրոպական միության աջակցությամբ իրականացվող «Սոցիալական ձեռներեցության էկոհամակարգի զարգացում» SEED ծրագրի շրջանակներում՝ Կանաչ արահետ ՀԿ-ն՝ ՀՀ աշխատանքի և սոցիալական հարցերի նախարարության միասնական սոցիալական ծառայության և Երևանի պետական համալսանանի Իջևանի մասնաճյուղի հետ համատեղ իրականացրեց աշխատանքային տոնավաճառ։
Միջոցառմանն առանձին տաղավարով ներկայացվեց Եվրոպական միության ֆինանսավորմամբ իրականացվող «Իջևանում տնտեսական զարգացման և նորարարության խթանում՝ պետություն-մասնավոր համագործակացության և համայնքային էկոհամակարգերի ստեղծման միջոցով» նախագիծը։ «ԻննոԻջևանի» ներկայացման շրջանակներում, մասնավորապես, տեղեկություն տրվեց Իջևանում մեկնարկելիք նոր նախաձեռնությունների մասին՝ ՏՏ, գյուղատնտեսության, զբոսաշրջության, սննդի վերամշակման և կրթական ոլորտներում, ինչպես նաև նախագծի հիմնական բաղադրիչների՝ «CoWo» աշխատամիջավայրի և ԱՏՁՄ կրթական նախագիծ «Իրական դպրոց» կրթամշակութային հիմնադրամի սպասվելիք գործունեության մասին։
Հիշեցնենք, որ «ԻննոԻջևան» նախագծի շրջանակներում 2022 թվականի հունիս-սեպտեմբեր ամիսներին Իջևանում մեկնարկելու է CoWo նորարարական կենտրոնի գործունեությունը, որն իր մեջ ներառելու է մի շարք կրթական ծրագրեր։ Այժմ ընթանում է Իրական դպրոցի ընդունելության գործընթացը. սեպտեմբերից կենտրոնում կմեկնարկեն դպրոցի իջևանյան մասնաճյուղի դասընթացները։
«ԻննոԻջևան» նախագիծն իրականացվում է ԵՄ ֆինանսավորմամբ։ Կազմակերպիչներն են Իջևանի համայնքապետարանը, Առաջատար տեխնոլոգիաների ձեռնարկությունների միությունը (ԱՏՁՄ), CoWo համայնքային աշխատավայրը և «Իրական Դպրոց» կրթամշակութային հիմնադրամը։
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...