«Ադրբեջանցիներին գյուղից հանել են, բայց մեզ չեն թողնում գյուղ մտնել». Փառուխի գյուղապետ
Galatv.am-ն գրում է. «Ես չգիտեմ՝ էս պահին Փառուխում ինչ իրավիճակ է, մենք մարտի 24-ից գյուղում չենք, ադրբեջանցիներին գյուղից հանել են, և հիմա գյուղում ռուս խաղաղապահներն են, բայց մեզ չեն թողնում գյուղ մտնել: Ադրբեջանցիները երբ մտան գյուղ, մենք ասեցինք՝ ռուս խաղաղապահներն ինչ-որ բան կձեռնարկեն, կբանակցեն, ոնց եկել են, այ էդպես էլ կգնան: Էն գնալն եղավ, որ պիտի գնան»,- ԳԱԼԱ-ի հետ զրույցում հայտարարեց Ասկերանի շրջանի Փառուխի գյուղապետ Վարդան Միքայելյանը:
«Կրակոց չի եղել, իրենք ոտքով զենքները ձեռքներին եկել ու մտել են գյուղ, թե ոնց եղավ, թե ինչ եղավ, մենք էլ բան չհասկացանք: Ես էլ շատ հարցեր ունեմ. էդ ո՞նց է ստացվել, որ օրը ցերեկով խաղաղապահի աչքի առաջ դրանք մտան գյուղ, կամ ինչպե՞ս է ստացվում, որ առանց կրակոց գյուղ են վերցնում»,- շարունակեց Միքայելյանը:
Գյուղապետն ասում է՝ Փառուխը սահմանամերձ է, մոտ 300 մետր հեռավորության վրա էր ադրբեջանական դիրքերից:
«Մարտի 24-ից տարհանվել են մարդիկ, մտածում էինք՝ 1-2 օր հետո ամեն ինչ տեղը կընկնի, ադրբեջանցիները կգնան, ամեն մարդ իրա տան գլխին կլինի: Չգիտենք՝ ինչ է լինելու, էս ամեն ինչի վերջը չի երևում. էսպես անորոշ սպասում ենք, ուղղակի մարդիկ մեղք են: Երեք պատերազմ ենք տեսել, ամեն պատերազմից հետո տուն-տեղ ենք դրել, եկել էսպես խլել են, չեն թողնում, որ մենք մեր հողում ապրենք: Թուրքը հանդարտվել չգիտի ու պիտի անընդհատ մի բան խլի մեզնից»,- եզրափակեց Փառուխի գյուղապետ Վարդան Միքայելյանը:
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Սիցիլիա դարձած երկիր․ մեկ շաբաթում՝ երեք աղմկահարույց հրաձգություն, զոհ և վիրավորներ․ Մարիաննա Ղահրա...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...