Քաշքշուկներ, վիրավորանքներ չեն եղել. ԱԱԾ-ն մերժել է
Մայիսի վերջին 44-օրյա պատերազմում զոհված զինծառայողների մի խումբ ծնողներ հանդիպել էին Քննչական կոմիտեի նախագահ Արգիշտի Քյարամյանի հետ: Այդ հանդիպումից հետո մի քանի ծնողներ տեղեկություն էին տարածել, որ հանդիպումն անցել է լարված մթնոլորտում, նույնիսկ միջադեպ է եղել կոմիտեի նախագահի հետ:
Այդ լուրերից հետո պարզաբանում ներկայացրեց Քննչական կոմիտեն՝ անհիմն և արհեստական որակելով հանդիպման մասին լրատվամիջոցներում և սոցցանցերում տարածված մեկնաբանությունները:
Քննչական կոմիտեից հայտնեցին, որ ավելի քան 40 ծնողների և հարազատների մասնակցությամբ կայացած հանդիպումը ընդհատվել է ծնողներից մեկի բուռն արձագանքով, ինչին հաջորդել է հարազատներից մեկի սադրող միջամտությունը, որից հետո կոմիտեի նախագահը փորձել է պարզել ստեղծված լարվածությունը ակնհայտ հրահրողի նպատակադրումները:
Հանդիպման ընթացքում չեն եղել քաշքշուկներ, վիրավորանքներ, ինչը փաստում է դահլիճում առկա անվտանգության տեսախցիկի տեսագրությունը: Այնուամենայնիվ միջադեպի հետ կապված զոհված զինծառայողների մի քանիսի հարազատների կողմից հաղորդում է ներկայացվել Ազգային անվտանգության ծառայություն: ԱԱԾ Քննչական դեպարտամենտում պատշաճ իրավական ընթացակարգի պահպանմանբ պատրաստվել էին նյութեր: Ազգային անվտանգության տնօրենի խորհրդական Վահե Ենգիբարյանը մանրամասներ հաղորդեց գործի ուսումնասիրության վերաբերյալ:
«Նախապատրաստվել են նյութեր, որոնց արդյունքում հերքվել են և փաստական տվյալներ ձեռք չեն բերվել Քննչական կոմիտեի պաշտոնատար անձանց կողմից`որևէ հակաիրավական արարք կատարելու վերաբերյալ: Այնուհետև դրանց հիման վրա որոշում է կայացվել քրեական գործի հարուցում մերժելու մասին»:
ԱԱԾ-ից հայտնեցին նաև, որ գործի հետագա իրավական ընթացքը իրենց տիրույթում չէ. կողմերը իրավունք ունեն որոշումը բողոքարկել:
Արտակ Խառատյան
Փաշինյանը ջանք չի խնայում Հայաստանը Ադրբեջանի պատկերացրած տարածքի վերածելու համար․ Հայրապետյան
Իսրայելը Իրանի հրթիռները որսալու համար օգտագործել է ամերիկյան ՀՕՊ համակարգերի զինամթերքի մեկ երրորդը
Գիշերվա նախարար․ ինչու է Արսեն Թորոսյանը մնում Փաշինյանի ամենավստահելի կադրերից. «Ժողովուրդ»
«Սպասիր, Մոսկվա թռնեմ, գամ, նոր կխոսամ». Փաշինյանը «բողոքի նոտա է» է հղել ՔԿ ղեկավարին. «Իրավունք»
Նիկոլ Փաշինյանն ուզում է Սասուն Միքայելյանի վախը բռնել. «Հրապարակ»
Իրանը համաձայնել է պшտերազմի ավարտի վերաբերյալ Վաշինգտոնի ծրագրի 15 կետերի մեծամասնությանը. Թրամփ
ԱՄՆ-ն ցանկանում է իր վերահսկողության տակ վերցնել «Հյուսիսային հոսք» գազատարը․ Լավրով
Արմավիրի մարզում «Ford Transit»-ը կամրջից ընկել և հայտնվել է դրա տակ. 2 հոգի տեղափոխվել է հիվանդանոց
Իրավապահները նպատակ ունեն ընտրություններից առաջ թաղային հեղինակությունների աչքը վախեցնել. «Հրապարակ»
ԱՄՆ-ի կողմից զորքերի տեղակայման պայմաններում բանակցություններ վարելու կոչերը ակնհայտ հակասություն են