Ստեղծվել են առաջին կենցաղային արևային մարտկոցները
Bigasia.ru-ն գրում է, որ ռուս գիտնականների թիմը ստեղծել է առաջին ամբողջովին կենցաղային արևային այնպիսի վահանակներ, որոնք ոչ միայն արտադրում են էլեկտրաէներգիա, այլ նաև ծառայում են որպես կառուցվածքային տարրեր՝ տանիքի, պատուհանների կամ շենքերի ճակատների համար։ Մշակման յուրահատկությունը նաև այն է, որ արևային մարտկոցները կարող են լինել թափանցիկ կամ դրանց հնարավոր է տալ ցանկացած գույն և օրինակ տեղադրել պատուհանի մեջ: Այդ մասին հայտնել է ՌԴ կրթության և գիտության նախարարության «Առաջնահերթություն 2030» դաշնային ծրագրի մամուլի ծառայությունը։
«Ազգային հետազոտական համալսարանի Մոսկվայի Էլեկտրոնային տեխնոլոգիաների ինստիտուտի և Ռուսաստանի գիտությունների ակադեմիայի Ուրալի մասնաճյուղի օրգանական սինթեզի ինստիտուտի գիտնականների թիմերի համագործակցության արդյունքում ստեղծվել են այնպիսի արևային վահանակներ, որոնք ոչ միայն արտադրում են էլեկտրաէներգիա, այլ նաև գործում են որպես արտաքին պաշտպանության տարրեր եղանակային պայմաններից, օրինակ տանիքի, պատուհանների կամ շենքի ճակատների տեսքով»,- ասված է հաղորդագրության մեջ:
Նաև նշվել է, որ նոր մարտկոցները հիմնված են ներկերի նկատմամբ զգայուն, խոստումնալից օրգանական միացությունների վրա։ Դրանց ստացման ամբողջ ցիկլը բաժանված է երեք մասի: Առաջին փուլում ստացվում են օրգանական ներկանյութեր: Այնուհետև ստեղծված տարրերի այդ հիմքը փոխանցվում է գործընկերներին: Քիմիական ինստիտուտի աշխատակիցները պատասխանատու են, մասնավորապես, ֆոտոանոդի` թափանցիկ հիմքի վրա ֆոտոակտիվ նյութի էլեկտրոդի ձևավորման և մարտկոցների հավաքման համար:
«Հավաքման ամբողջ գործընթացն այնքան թափանցիկ է, որ մենք կարող ենք փոփոխել ֆունկցիոնալ բաղադրիչները կենտրոնացված ձևով, որպեսզի բարելավվեն մարտկոցների աշխատանքը կամ օպտիմալացվեն դրանք հատուկ ծրագրերի համար: Օրինակ՝ ֆոտոանոդի նյութը և կառուցվածքը փոփոխելով՝ հնարավոր է վերահսկել մարտկոցի թափանցիկությունն ու արդյունավետությունը, իսկ էլեկտրոլիտի և ներկանյութի բաղադրությունը փոխելով՝ կարելի է փոխել տարրերի գույնը, ինչը հատկապես կարևոր է, որպես ճարտարապետական ինտեգրված ֆոտովոլտային համակարգերի ստեղծման գործընթացի նախագծային բաղադրիչ։ Այս պահին մենք արդեն ստացել ենք դեղին, նարնջագույն և կարմիր մի քանի երանգների մարտկոցներ», - ասել է ծրագրի կրտսեր գիտաշխատող Եկատերինա Տեքշինան, ում խոսքերը մեջբերված են հաղորդագրության մեջ:
Վերջնական փուլում մարտկոցները փորձարկվում են իրականին մոտ պայմաններում, և որոշվում ու ընտրվում են հավաքված արևային բջիջների կատարողականների լավագույն բնութագրերը: Գիտնականների համատեղ աշխատանքի արդյունքները հրապարակվել են մի շարք գիտական հոդվածներում, որոնցից վերջինը Journal of Materials Science-ում և Materials in Electronics-ում։
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք` 87-57, (010) 44-00-55
էլ. փոստ` [email protected]
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ