Ֆինանսական համակարգի զարգացման մասին խոսք լինել չի կարող. կարող է խոսք լինել տնտեսության մի հատվածի զարգացումը զսպելու մասին. տնտեսագետը՝ «Անկանխիկ գործառնությունների մասին» օրենքի մասին. «Փաստ»
«Փաստ» օրաթերթը գրում է. «Հուլիսի 1-ից ուժի մեջ է մտել «Անկանխիկ գործառնությունների մասին» օրենքը, որն արդեն իսկ բազմաթիվ մասնագետների և, ընդհանրապես, հանրության զգալի հատվածի առնվազն տարակուսանքի պատճառ է դարձել: «Սպառողների ասոցիացիա» ՀԿ փոխնախագահ, իրավաբան Սյուզաննա Չիլինգարյանը «Փաստի» հետ զրույցում նշում է, որ սրանով ոչ թե հեշտացվել է քաղաքացու կյանքը, այլ պետությունը փորձում է որոշակի մեխանիզմներով` բռնապետական, բայց գեղեցիկ փաթեթավորված, վերահսկողություն իրականացնել դրամական հոսքերի վրա:
«Ընտրվել են այն ոլորտները, որտեղ մշտապես մեծ ծավալների գումար է շրջանառվում: Բացի դա, նմանատիպ որոշումներով փորձում են բանկերին «պահել»: Գումարը շրջանառվում է բանկով, նա կարողանում է այն պտտեցնել, կարող է նաև ինչ-որ ծառայությունների կամ վճարների անվան տակ քաղաքացուց հավել յալ գումար գանձել: Այսպիսով` խախտվում են քաղաքացու իրավունքները: Նա հավել յալ ժամանակ է վատնում, լրացուցիչ` չնախատեսված վճարումներ կատարում»,- ասաց նա՝ հարցադրում անելով, թե արդյունքում կարո՞ղ ենք կանխատեսել, որ քաղաքացին կփորձի ներքին կարգով, առանց հստակ ձևակերպման, առանց իրավական կարգավորում տալու, առանց փաստաթղթերի լուծել իր հարցերը:
«Այսինքն, դու ստիպում ես քաղաքացուն, որ նա կոռուպցիայի դաշտ մտնի»,- նշեց իրավաբանը: Տնտեսագիտության դոկտոր, պրոֆեսոր Գագիկ Վարդանյանին էլ ինքնանպատակ է թվում մասնավորաբար անկանխիկ վճարումներ իրականացնելու մշակույթի ձևավորման արագացման պարտադրանքը. «Նրանք, ովքեր համոզվել են անկանխիկ գործառնությունների շահավետության մեջ, առանց պարտադրանքի դա անում են»,- մեզ հետ զրույցում ասաց տնտեսագետը՝ նշելով, որ առկա պայմաններում անկանխիկ գործառնությունների զարգացման միջոցով ֆինանսական համակարգի զարգացման մասին խոսք լինել չի կարող:
«Մինչդեռ կարող է խոսք լինել տնտեսության իրական հատվածի զարգացումը զսպելու, տնային տնտեսությունների վիճակը վատթարացնելու մասին»,- ամփոփեց Վարդանյանը»:
Մանրամասները՝ թերթի այսօրվա համարում
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ