Փաշինյանը կորցնում է սեփական դեմքն ու նախկին ընկերներին
Հանրության մեջ մի կարծիք կա, թե պաշտոն ստանալուց հետո մարդիկ փոխվում են, կորցնում իրենց դեմքը, մարդկային նկարագիրը։ Թերևս, պաշտոն ստանալով` մարդիկ ավելի բացվում են, ցույց են տալիս իրենց իրական էությունը, բնույթը և մարդկային հարաբերություններում կեղծ լինելու հանգամանքը։
Երեկվանից ֆեյսբուքյան անդաստաններում մի նամակ է շրջանառվում, որը գրել է Նիկոլ Փաշինյանի մտերիմ ընկեր Վահե Վարսանյանը։ Այդ նամակում նա հայտնում է, թե տեղեկացել է՝ Արա Չալաբյանին, ով Կենտրոնական բանկի կորպորատիվ ծառայությունների դեպարտամենտի ղեկավարն է, կանչել են ԿԲ նախագահ Մարտին Գալստյանի մոտ, ասել, թե աշխատանքից ազատման մասին դիմում գրի,այլապես աշխատանքից ազատվելու դիմում պետք է գրի ինքը՝ Մարտին Գալստյանը։ Վարսանյանը զանգահարել է իր մտերիմ ընկերոջը՝ Նիկոլ Փաշինյանին։
«Նամակը կարդացել եմ, բեր էդ հարցը չքննարկենք»,- պատասխանել է Նիկոլը։ «Բայց եթե այս հարցը չքննարկե՞նք, ուրիշ ի՞նչ հարց քննարկենք, սենց չեղավ, դրա համար չէինք 18 թվին իշխանություն փոխում»,- պատասխանել է ընկերը։
Նիկոլը շարունակել է նույնն ասել․ «Բեր էս հարցը չքննարկենք, բեր էս հարցը չքննարկենք»։
Փաշինյանի նախկին ընկերն անկեղծորեն զարմանում է, որ Ավետիք Չալաբյանի նկատմամբ անազնիվ գործ սարքելուց հետո, հիմա էլ ընկել են նրա եղբոր հետևից։ Անմեղ մարդկանց հետապնդելով՝ մեկին փակելով, մյուսին՝ աշխատանքից ազատելով, Փաշինյանը փորձում է վախի մթնոլորտ ստեղծել։
«Եթե իշխանական քո համակարգը այնպիսին է, որ ցանկացած պահին անմեղ մարդուն կարող ես պատժել, շատերը սկսում են վախենալ և զգուշանալ, որ նույնը կարող է յուրաքանչյուրի հետ պատահել»,- զարմացած նշել է Վահեն։
Եվ իսկապես, Նիկոլ Փաշինյանը, ինչպես նշում են նրան ճանաչողները, իշխանության գալուց հետո բոլորովին փոխվել է, փոխվել են նաև նրա իշխանության անդամները, մարդիկ, ովքեր ժամանակին տևական ու երկար իբր պայքարում էին Հայաստանի ժողովրդավարացման համար կամ գոնե այդ մասին հայտարարում, այսօր իրենք են վերածվել այն վիշապի, որի դեմ պայքարում էին, մարդիկ, ովքեր օրինականության, օրենքի գերակայության և իրավունքի մասին էին խոսում տարիներ շարունակ, այսօր իրենք են վերածվել օրենքն ու օրինականությունը խախտողների, մարդիկ, ովքեր հայտարարում էին, թե գալիս են փոխելու երկրում ստեղծված վատթար իրավիճակը, այսօր իրենք են շատ ավելի վատթար և անտանելի պայմաններ ստեղծում։
Մի եղբորը՝ Ավետիք Չալաբյանին կալանավորում են, արդեն 2 ամսից ավելի պահում անազատության մեջ, մյուսին՝ հեռացնում աշխատանքից։ Եվ, ըստ էության, սա ընդամենը վկայում է մեկ բանի մասին՝ Նիկոլ Փաշինյանի իշխանությունը սեփական ազդեցությունը պահպանելու համար պատրաստ է անցնել ամեն ինչի, այդ թվում ընկերական հարաբերությունների վրայով։
Շատերը, ովքեր ընկերություն են արել Փաշինյան Նիկոլի և նրա կողմնակիցների հետ, շատ ավելի վաղուց են հասկացել այս պարզ, հասարակ ճշմարտությունը։ Որոշների համար տրիվիալ այս իրավիճակը նոր է պարզվում, բայց ամեն դեպքում գնահատելի է, որ մարդիկ հասկանում են, թե ինչ է կատարվել իրականում, և ինչի հետ է առնչվում այսօր Հայաստանի Հանրապետությունը։
Մհեր Առաքելյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան