«Հայաստանը փրկելու համար հաշված օրեր, շաբաթներ են մնացել». Ավետիք Չալաբյան
Հայաստանը փրկելու համար հաշված օրեր, շաբաթներ են մնացել։
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանն է դիմել ընդդիմադիր քաղաքական ուժերին, որպեսզի կոնկրետ այլընտրանք ներկայացնեն, թե ինչպես կարող են շտկել իրավիճակը, երկրում փոխել իշխանություն, ձևավորեն իրատես, վճռական և վստահելի կառավարություն։
«Միացեք և օգնեք փոխել մեր իրականությունը»,- նշում է Ավետիք Չալաբյանը։
Անդրադառնալով Հնդկաստանի կառավարության կողմից Հայաստանին առաջիկայում մոտ 250 միլիոնի սպառազինություններ մատակարարելու հանգամանքին՝ Ավետիք Չալաբյանը նշում է, թե այդ կայաններն արդեն փորձարկված են լեռնային մարտական գործողությունների պայմաններում և իրենց բավական լավ են դրսևորել, նախկինում Հայաստանը Հնդկաստանից գնել է նաև հակահրետանային տեղորոշման սվազի արդիական ռադարային համակարգեր։
Ըստ Չալաբյանի՝ Հնդկաստանի հետ գործարքը ոչ միայն կարևոր է հայկական բանակի խիստ տուժած սպառազինությունը համալրելու համար, այլև դիվերսիֆիկացնում է Հայաստան զենքի մատակարարումների աշխարհագրությունը և կարևոր քայլ է՝ ի դեմս Հնդկաստանի, նոր ռազմավարական դաշնակից ձեռք բերելու ուղղությամբ։
Չալաբյանը, ամիսներ շարունակ նշում է Հայաստանի ռազմականացման անհրաժեշտությունը, միայն մինչև ատամները զինված, բավարար չափով սպառազինություն և զենք ունեցող հայկական բանակը կկարողանա զսպել թշնամիների հարձակումները, դրա համար Հայաստանն ունի բավարար չափով գիտական ներուժ, իսկ գումար ճարելն այնքան էլ մեծ դժվարություն չի լինի, եթե ունենանք իսկապես երկիրը սիրող և Հայաստանի քաղաքացու կյանքը գնահատող իշխանություն։
Ըստ Չալաբյանի՝ հարկավոր է օր առաջ հեռացնել փաշինյանական վարչախմբին և սկսել իսկական ռազմականացման քաղաքականություն, այլապես հետագայում հետևանքներն անդառնալի կլինեն։
Իհարկե, ցավալի կլինի, եթե Ավետիք Չալաբյանի և մյուս հայրենասեր գործիչների կոչերը մնան որպես միայն «ձայն բարբառո հանապատի»։
Ի վերջո Հայաստանի քաղաքացիներն իրենք պետք է գիտակցեն, թե որն է իրենց իրական կարիքն ու անհրաժեշտությունը, ի՞նչ է հարկավոր անել, որպեսզի Հայաստանը կարողանա ոտքի կանգնել և լրջորեն դիմագրավել բոլոր սպառնալիքներին, իսկ այս սպառնալիքների մեջ ամենավատթարներից մեկը՝ ապիկար և դավաճան իշխանություն ունենալն է։
Հայկ Մեսրոպյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Ընկերությունները կապարակնքելը վատ պրակտիկա է. Հրայր Կամենդատյան
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Սիցիլիա դարձած երկիր․ մեկ շաբաթում՝ երեք աղմկահարույց հրաձգություն, զոհ և վիրավորներ․ Մարիաննա Ղահրա...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ավետիք Չալաբյանի դեմ հարուցել էին խայտառակ, ամբողջությամբ ապօրինի մի գործ, որ չես կարող անտարբեր անց...
Wildberries-ը հայտարարել է վաճառողներին տրամադրվող փոխհատուցումների մշակման մասին