4․676․836 դրամ՝ 4090 հիմնադրամին. հոկտեմբեր ամսվա «Մի դրամի ուժի» շահառուն Զինվորի տուն վերականգնողական կենտրոնն է
Սեպտեմբեր ամսվա ընթացքում Idram&IDBank հավելվածով, IDBank-ի և Իդրամի տերմինալներով, IDBanking.am առցանց հարթակով կատարվել է 4․676․836 վճարում, հետևաբար «Մի դրամի ուժը» նախաձեռնության շրջանակում հենց այդքան՝ 4․676․836 դրամ կուղղվի սեպտեմբեր ամսվա շահառուին՝ 4090 բարեգործական հիմնադրամին։
4090 հիմնադրամն ապահովում է ապրիլյան և 44-օրյա պատերազմների մասնակիցների կրթության շարունակական բնույթը՝ նրանց տրամադրելով կրթաթոշակներ ուսումը շարունակելու և իրենց երազանքի մասնագիտությունը ձեռք բերելու համար։
«Մի դրամի ուժի» հոկտեմբեր ամսվա շահառուն «Զինվորի տուն վերականգնողական կենտրոնն» է։
IDBank-ի հաղորդակցման բաժնի ղեկավար Տաթևիկ Վարդևանյանի խոսքով՝ որոշումը կայացրել են՝ հասկանալով, որ ներկայում ամենակարևորը մեր սահմանների պաշտպանների առողջության վերականգնումն է։ «Զինվորի տուն վերականգնողական կենտրոնի շահառուները պետք է մշտապես մեր հասարակության ուշադրության կենտրոնում և հոգածության ներքո լինեն։ Նրանց առողջության վերականգնումը, կյանքի որակի բարելավումը մեր կողմից նվազագույնն է, ինչ կարող ենք անել իրենց առողջությունը չխնայած մարդկանց համար», - ասել է Տաթևիկ Վարդևանյանը։
«Սա Իդրամի և IDBank-ի հետ «Զինվորի տան» երկրորդ գործակցություն է: 2021 թվականին «Մի դրամի ուժը» ծրագրի շրջանակում «Զինվորի տուն վերականգնողական կենտրոնին» նվիրաբերվել է շուրջ 7 միլիոն ՀՀ դրամ, որի միջոցով մենք ձեռք ենք բերել բժշկական սարքավորումներ, գործիքներ, ինչպես նաև խնամքի պարագաներ ու դեղորայք, իրականացրել ենք ֆինանսական աջակցության ծրագրեր մեր շահառուների համար: Այս անգամ ևս նվիրաբերված գումարը կուղղվի զինհաշմանդամների համար իրականացվող ծրագրերին՝ նպաստելով նրանց առողջության վերականգնմանն ու սոցիալական խնդիրների լուծմանը»,- ասել է Վերականգնողական կենտրոնի տնօրեն Հայկուհի Մինասյանը։
Հիշեցնենք, որ մեզնից յուրաքանչյուրը կարող է նպաստել, որ «Մի դրամի ուժը» նախաձեռնության շահառուներին ավելի մեծ գումար տրամադրվի՝ ընդամենը բոլոր վճարումները կատարելով Idram&IDBank հավելվածով, IDBanking.am առցանց հարթակով, Իդրամով կամ ընկերությունների տերմինալներով։
Idram&IDBank հավելվածով հնարավոր է վճարումներ կատարել շուրջ 12․500 կետում, 900 առցանց խանութներում, ինչպես նաև համակարգում առկա 400+ ծառայությունների դիմաց։ Գործընկերների ցանկին ծանոթանալ կարելի է այստեղ։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր