Հոկտեմբերի 1-ից 7-ը Էջմիածնում քաղաքի 2707-ամյակի առիթով անցկացվեց «Բարեկամության ներկապնակ» նկարիչների միջազգային սիմպոզիումը
Հոկտեմբերի 1-ից 7-ը Էջմիածնում քաղաքի 2707-ամյակի առիթով անցկացվեց «Բարեկամության ներկապնակ» նկարիչների միջազգային սիմպոզիումը, որին մասնակցեցին անվանի արվեստագետներ եւ նկարիչներ Էջմիածնից, քույր քաղաք Սերգիեւ Պոսադից (Ռուսաստան) եւ Լատինայից (Իտալիա)։
7 օրերի ընթացքում սիմպոզիումի մասնակից հյուրերը այցելեցին Հայաստանի տեսարժան վայրեր, եղան Ցեղասպանության հուշահամալիրում, մի շարք թանգարաններում, այցելեցին Գյումրի, ծանոթացան Հայաստանին եւ հայկական մշակույթին։
Այսօր Կոմիտասի անվան մշակույթի պալատում տեղի ունեցավ սիմպոզիումի ընթացքում ստեղծված նկարների ցուցահանդեսի բացման արարողությունը, որին ներկա էին համայնքի ղեկավար Դիանա Գասպարյանը, Մայր Աթոռ Սուրբ էջմիածնի Արխիվի եւ թանգարանների տնօրեն Հոգեշնորհ Տեր Ասողիկ աբեղա Կարապետյանը, Արմավիրի մարզպետի խորհրդական Սաթենիկ Թովմասյանը, արվեստագետներ, մշակույթի ոլորտի ականավոր ներկայացուցիչներ։
Միջոցառման մեկնարկին օրհնության խոսքով ներկաներին ողջունեց Հայր Ասողիկ աբեղա Կարապետյանը։
Համայնքի ղեկավար Դիանա Գասպարյանը շնորհակալություն հայտնեց սիմպոզիումի մասնակիցներին, շեշտեց միջազգային միջոցառումների կարեւորությունը համայնքի զարգացման եւ արտաքին կապերի ընդլայնման գործում։
Խոսքով հանդես եկավ նաեւ Էջմիածնի պատվավոր քաղաքացի, սիմպոզիումի կազմակերպիչ նկարիչ Ներսես Մելիքյանը։
Համայնքի ղեկավարը բոլոր մասնակիցներին հանձնեց մասնակցության վկայագրեր` վստահություն հայտնելով, որ սիմպոզիումը կդառնա ամենամյա՝ հետզհետե ընդլայնելով աշխարհագրությունն ու ընդգրկվածության բնույթը։
Ցուցահանդեսի բացման արարողությունն ընդգրկվեց համայնքապետարանի ենթակայության երաժշտական դպրոցների ուսուցիչների համերգային հակիրճ ծրագրով:
Սաֆարովին կոչում տալով՝ Ալիևն ասում է՝ հայե՛ր, իմացեք, մենք ձեզ ոնց ատել ենք, այդպես էլ ատելnւ ենք
Կարապետյանը պատանդ է․ 1 միլիոն դոլար գրավի առաջարկը դատարանը մերժել է․ «Հրապարակ»
3-ամյա Տիգրանը մահացել է պարանոցի օրգանների բութ առարկաներով սեղմման հետևանքով․ ՔԿ-ն մանրամասնում է
ՌԴ-ում ՀՀ դեսպան Գուրգեն Արսենյանը դիմել է վարչական դատարան` ընդդեմ ՆԳՆ ոստիկանության. «Ժողովուրդ»
Տարադրամի փոխարժեքները դեկտեմբերի 13-ին
Պաշտոնապես հայտարարում եմ՝ չենք պատրաստվում բարձրացնել կենսաթոշակային տարիքը. Արսեն Թորոսյան
Կոտայքի մարզում 7 երիտասարդներ, որոնցից 3-ը անչափահասներ են եղել, ծեծի են ենթարկել 19-ամյա տղային
Ապահովագրական փաթեթը ամեն ինչ չի փակում, և ծառայությունների մասով էլ լինելու են համավճարներ․ Անահիտ ...
Դավիթ Բաբայանը հայտարարել է, որ անմեղ է իրեն առաջադրված մեղադրանքների շրջանակում
Երևանի և մարզերի բազմաթիվ հասցեներում լույս չի լինի