Վանդալիզմի դեպք Hard Rock Café Yerevan-ում

Երկուշաբթի օրը, 27.03-ին, ժամը 02:50-ի սահմաններում, Պուշկին 3ա հասցեում գտնվող Hard Rock Café Yerevan-ի տարածքում դրսևորվել է վանդալիզմի դեպք:

Նկարում պատկերված անհայտ անձը հաստատության դիմաց տեղակայված կիթառի տեսքով բրենդային վահանակի վրա է բարձրացել՝ կոտրելով այն, որով պատճառել է ընկերությանը նյութական վնաս:  

Վերջին ժամանակում նման դեպքերը Երևանում բավականին շատացել են, որը խստորեն դատապարտելի է թե՛ հանրության, և թե՛ առհասարակ մշակութային արժեքների պահպանման տեսանկյունից: Նման դեպքերի մասին հարկավոր է բարձրաձայնել և կիրառել համապատասխան պատժամիջոցներ, որպեսզի հնարավորինս կրճատենք նման դեպքերը:

Անձը փնտրվում է ոստիկանության կողմից, ճանաչողներին խնդրում ենք դիմել ոստիկանություն: