Համագործակցության հուշագիր Զանգեզուրի կոմբինատի և Կապանի համայնքապետարանի միջև
Համագործակցության հուշագիր Զանգեզուրի կոմբինատի և Կապանի համայնքապետարանի միջև.
Ապրիլի 6-ին Կապանի մշակույթի կենտրոնում առաջին անգամ Կապանի համայնքապետարանի և «Զանգեզուրի պղնձամոլիբդենային կոմբինատ» ՓԲԸ-ի միջև ստորագրվեց համագործակցության հուշագիր։ Փաստաթուղթը 5-ամյա գործունեության համար է, որտեղ ըստ տարիների նախանշված է գործողությունների պլանը։ Կողմերը համագործակցելու են տնտեսական, սոցիալական, քաղաքաշինական, կրթական, մշակութային, մարզական և այլ ոլորտներում։
Հուշագիրը ստորագրեցին «ԶՊՄԿ» ՓԲԸ գլխավոր տնօրեն Ռոման Խուդոլին և Կապանի համայնքապետ Գևորգ Փարսյանը։ «ԶՊՄԿ» ՓԲԸ գլխավոր տնօրեն Ռոման Խուդոլին և Կապանի համայնքապետ Գևորգ Փարսյանը կարևորեցին փաստաթղթի ստորագրումը՝ այն համարելով ավելի բարձր մակարդակի փոխհարաբերությունների սկիզբ։
Հուշագրի ստորագրման արարողությունից հետո ԶՊՄԿ ՓԲԸ գլխավոր տնօրեն Ռոման Խուդոլին մասնավորապես նշեց․
«Հուշագրի ստորագրումը բիզնեսի և համայնքի միջև ճիշտ փոխհարաբերությունների դրսևորում է։ Մենք բարեգործություն չենք անում, այլ միասին աշխատում ենք յուրաքանչյուրս մեր մասով, ինչը առաջին հերթին հայ ժողովրդի բարեկեցության համար է։ Մեր պարտականություններից է նաև սոցիալական պատասխանատվություն ունենալ այն համայնքների նկատմամբ, որտեղ գործունեություն ենք ծավալում։ Մինչ այս էլ աջակցել ենք համայնքին, այսուհետ էլ դրա ծավալները միայն ու միայն կավելանան»։
Համայնքապետ Գևորգ Փարսյանը վստահություն հայտնեց, որ այս իրողությունը ամրագրվելու է համագործակցության պատմության էջերում։
«Լիահույս եմ, որ սրանով հիմք ենք դնելու ավելի բարձր մակարդակի համագործակցության։ Մենք շատ բարձր ենք գնահատում ԶՊՄԿ-ի կորպորատիվ, սոցիալական պատասխանատվության մակարդակը և այդ շրջանակում բարի կամքի դրսևորումը»։
Միջոցառմանը ներկա էին նաև ընկերության գլխավոր տնօրենի առաջին տեղակալ Վարդան Ջհանյանը, գլխավոր տնօրենի տեղակալ Արթուր Նիկողոսյանը, Կայուն զարգացման գծով տնօրեն Արմեն Ստեփանյանը։
Փաշինյանը ջանք չի խնայում Հայաստանը Ադրբեջանի պատկերացրած տարածքի վերածելու համար․ Հայրապետյան
Էդողանի դիրքորոշումը՝ պատերազմ հրահրող սիոնիստական ռեժիմը դատապարտելու հարցում գովելի է․ Փեզեշքիան
Իսրայելը Իրանի հրթիռները որսալու համար օգտագործել է ամերիկյան ՀՕՊ համակարգերի զինամթերքի մեկ երրորդը
Գիշերվա նախարար․ ինչու է Արսեն Թորոսյանը մնում Փաշինյանի ամենավստահելի կադրերից. «Ժողովուրդ»
Իրանը համաձայնել է պшտերազմի ավարտի վերաբերյալ Վաշինգտոնի ծրագրի 15 կետերի մեծամասնությանը. Թրամփ
ԱՄՆ-ն ցանկանում է իր վերահսկողության տակ վերցնել «Հյուսիսային հոսք» գազատարը․ Լավրով
Արմավիրի մարզում «Ford Transit»-ը կամրջից ընկել և հայտնվել է դրա տակ. 2 հոգի տեղափոխվել է հիվանդանոց
Նիկոլ Փաշինյանն ուզում է Սասուն Միքայելյանի վախը բռնել. «Հրապարակ»
Իրավապահները նպատակ ունեն ընտրություններից առաջ թաղային հեղինակությունների աչքը վախեցնել. «Հրապարակ»
ԱՄՆ-ի կողմից զորքերի տեղակայման պայմաններում բանակցություններ վարելու կոչերը ակնհայտ հակասություն են