«Մեծ յոթնյակի» երկրները պայմանավորվել են արագացնել էներգիայի վերականգնվող աղբյուրների զարգացումը
«Մեծ յոթնյակի» երկրները պայմանավորվել են արագացնել էներգիայի վերականգնվող աղբյուրների զարգացումը և կոչ են արել կրճատել բնական գազի օգտագործումը, քանի որ իրենք ձգտում են արագացնել աստիճանական հրաժարումը վառելիքի հանածո տեսակներից։ Reuters-ի փոխանցմամբ, օրեր առաջ խումբը հավաքվել է Ճապոնիայում, քննարկել են էներգետիկ խնդիրները։
«Մենք կտրուկ կավելացնենք էլեկտրաէներգիայի արտադրությունը ի հաշիվ էներգիայի վերականգնվող աղբյուրների»,- ասվում է հայտարարության մեջ, որում անդամ երկրները պարտավորվում են արդեն 2030 թ․ ծովային քամու կայանքների հզորությունը հասցնել 150 գիգավատտի, իսկ արևային կայանքներինը՝ ավելի քան 1 տերավատտի։ G7 անդամները նաև պայմանավորվել են արագացնել «փուլային հրաժարումը վառելիքի հանածո տեսակների անընդհատ օգտագործումից»։
Առաջին հերթին «Մեծ յոթնյակի» այս որոշումն ուղղված է Ռուսաստանի դեմ։ Ուկրաինայում պատերազմի մեկնարկից ի վեր Արևմուտքը կանգնել է էներգետիկ խնդիրների առաջ։ Հանուն արդարության նշենք, որ այդ խնդիրները չունեցան այն ազդեցությունը, որ ակնկալում էր Ռուսաստանը, դա էլ ի հաշիվ արևային էներգիայի կտրուկ զարգացման։ Էներգիան և վառելիքի հանածո տեսակների առևտուրը տասնամյակներ շարունակ քաղաքական ճնշման գործիք է եղել բոլոր գերտերությունների ձեռքին։
ԱՄՆ-ը, Եվրամիությունը, Ճապոնիան հստակ գիտակցում են, որ հանածո տեսակներից կախվածության մեջ մնալը ապագայում կարող է ազդել իրենց ինքնիշխանության վրա, ուստի և արագացված տեմպերով են վերականգնվող էներգիայի արտադրությունը զարգացնում։ Դա էլ, ի դեպ, իր մեջ քաղաքական ռիսկեր է պարունակում։ Արևային վահանակների և մարտկոցների արտադրության ոլորտում մոնոպոլիստը Չինաստանն է, իսկ այդ երկիրը, ինչպես հայտնի է, Արևմուտքի համար ավելի լուրջ քաղաքական մրցակից է համարվում, քան Ռուսաստանը։ Ուստի և սարքավորումների արտադրությունն էլ նոր մարտահրավեր է դառնալու Արևմուտքի համար։
Հայաստանը, հիշեցնենք, արևային վահանակներ արտադրող մեկ ընկերություն ունի՝ «Սոլարոնը», և մեր երկիրն էլ կախված է հանածո վառելիքից, թեև, նոր իրողությունները հաշվի առնելով, հարկավոր է օր առաջ մեծացնել վերականգնվող էներգիայի ծավալները։
Աննա Նադոյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Հանդիպեցի մեր հայ երիտասարդների հետ ու վստահ ասում եմ՝ մեր ապագան վստահելի ձեռքերում է․ Նարեկ Կարապե...